Multe gratias por le excellente traduction del synopse del li
Car Stan

Multe gratias por le excellente traduction del synopse del libro que tu legeva.


Vale 

Jsf


----- Original Message ----
From: Stanley Mulaik <[log in to unmask]>
To: [log in to unmask]
Sent: Sunday, October 29, 2006 11:56:50 PM
Subject: [INTERLNG] "Le Dynastia de Jesus" per James D. Tabor


Plure septimanos de retro Petro ha entrate un message longe aqui super
le origines del christianismo.  In le interim io ha legite un nove libro
per un academico e archeologo, James D. Tabor,  qui studia le historia e
origines del christianismo "Le dynastia de Jesus".  Al fin de su libro
ille habeva un synopse del libro, e io ha traducite lo in interlingua.
Illo es lo que seque:

LE HISTORIA DE JESUS RECOVRATE
(Per Jacobo D. Tabor in su libro _Le Dynastia de Jesus_)
Traducite per Stanley Mulaik

In _Le Dynastia de Jesus_ io ha essayate presenter al lector le
evidentia pertinente con respecto a nostre recovramento del
Jesus historic.  Il ha multo que nos non pote jammais saper, date
le natura del fontes e lor raritate.  Con reguardo a alcun areas
nos es lassate conjecturar o specular secundo le evidentia que
nos jam possede.  Io ha tractate brevemente tal subjectos que
es tanto delicate como illos es controversial--le paternitate
de Jesus, le possibilitate que Mary ha remaritate se post
le morte de Joseph, le reinterramento de Jesus in un tumba--
istos es toto cosas ubi le fide e le historia se trova in un
loco de reunion tense.  Io ha essayate presentar un chronologia
que sembla rationabile, e locar locos ubi cosas de que nos ha
legite ha occurrite.  A cata puncto io ha volite presentar le
latere human del conto de Jesus, sedite in su contexto real
historic e libere de alcun agenda theologic.  Le simple resultatos
es le sequente.

Jesus habeva un patre human e un matere human.  Il es le
plus probabile que Maria, su matre, durante que illa esseva preste
de maritar un plus vetere homine, Joseph, per arrangiamento
de familia, deveniva pregnante per un altere homine [un soldato
Roman con possibilemente le nomine de ‘Pantera’ secundo un
anti-Christian tracto de 178 c.e. ] ante le nuptias. Maria
durante su vita habeva parturite sex altere filios, quatro
filios e duo filias, si per Joseph o su fratre Clophas. Johannes
le Baptizator, non Jesus, esseva le initiator del Movimento
Messianic que ha devenite le Christianismo.  Jesus ha amate
su parente Johannes tanto multo como alcuno poteva ama
un altero--como un Propheta e Maestro, e inaugurator del
Regno de Deo.  Jesus ha adherite se al movimento que Johannes
habeva initiate, essente baptizate per Johannes, e laborante
con ille pro avantiar le Movimento Messianic.  Johannes e Jesus
ha satisfacite le expectationes del venir de Duo Messias
currente in lor tempore--un como le descendente prestre
del linea de Aaron [Johannes], le altere [Jesus] como le regal
descendente de David.  Lor message commun esseva simple: un
appellamento repentir de peccatos in vista del imminente arrivata
del  Regno de Deo.  Illes qui ha respondite esseva baptizate in
aqua como un signo de lor participation in le movimento
e su message.  Lor movimento esseva apocalyptic con le
expectation que Deo tosto intervenir in le historia pro establir
le Regno de Deo como describite in detalio per tote le Prophetas.
Illo esseva devenir un nove era del justicia, integritate, e pace
pro tote le humanitate, centrate super le nation reconstituite
de Israel con Jerusalem como le nove capitolo del mundo forasde
que radiarea se le cognoscimento de Deo e le ethica universal
del Torah a tote le nationes del mundo.

Johannes e Jesus ha proclamate le justicia pro le povre e
opprimite e ha pronunciate advertimentos de judicamentos
super illes qui ha refusate tornar de lor vias injuste.  Illes ha
inseniate un intimitate con Deo como un Patre in Celo, le
Amor de Deo pro tote creaturas, e le perdono de peccatos,
como exemplificate in le prece que illes ha comenciate de
diffunder inter lor adherentes [Le Patre Nostre].  Ni Johannes
ni Jesus habeva alcun idea de initiar un nove religion, mais ambes
ha  vivite como judeos secundo le Torah o lege judaic.  Illes ha
promulgate le appello a e le judeos e le gentiles tornar se al
revelation  del Torah de Moses e le Prophetas hebree.

Le effortios de predicar e baptizar de Johannes e Jesus ha
conducite al arresto de Johannes per Herod Antipas, le
governator de Palestina. Post le arresto de Johannes, Jesus
ha continuate le labor que illes ha comenciate. Ille ha selectionate
le Consilio del Dece-Duo, includente su quatro fratres, [totos,
como ille, per lor matre Maria descendite del Regno David]  a qui ille
ha date le promissa que illes regnara super le dece-duo tribos
de Israel, que ille ha expectate assemblear se de retro al terra
de Israel.  Ille ha initiate un campania per tote Galilea e finalmente
per tote le regiones del Palestina roman.  Ille ha acquiritie le
reputation de un cicatrizator e exorcista tanto ben como un
predicator del Regno de Deo e un inseniante del ethica del
Torah.  Jesus esseva certe que le cadita de Satan, le
invisibile regnante del mundo, esseva imminente. Le activitates
de Jesus ha provocate opposition acerbe de certe
leaders inter le Herodianos, le Phariseos, e le Sadduceos--
particularmente illes qui habeva possedite in commun sub
le Romanos le poter in Jerusalem.

Quando Herod Antipas, contra tote expectationes, ha occidite
brutalmente Johannes, Jesus ha credite que su destino esseva
vader a Jerusalem, entrar le Templo, e confrontar directemente
le autoritates religiose e politic con su message del reforma
radical.  In probabilitate ille ha recognoscite que que su incontro
possibilemente va conducer a su arresto e mesmo execution.
Aqui nos ha necun maniera de saper le pensatas e motivationes
internal de Jesus, mais io es convincite, basate super le
passages biblical que apparentemente ha devenite su guida que
ille ha expectate que Deo intervenirea pro salvar le de su
inimicos al ultime momento, e aperirea le porta al Regno de Deo.
Contrari al maniera de alteros de su generation qui ha armate
lor adherentes pro resister le occupation militar del romanos,
Jesus esseva convincite que si ille ha agite in fide, que
Deo intervenirea.

Como su parente, Johannes, Jesus ha morite in le fide que su
causa esserea realizate.  Su adherentes esseva devastate e
pro un tempore ha retornate se a Galilea in timor e disappunctamento.
Lor fide ha essite severemente probate--
Le Duo Messias esseva morte. Il esseva sub le gerentia de
Jacobo  [fratre de Jesus], insimul con Petro e Johannes, que
le communitate ha reganiate le fide.  Illes credeva que Jesus,
ben que morte, habeva triumphate in su causa e in le fin esserea
vindicate, como esserea tote le martyres juste pro le Regno
de Deo.  Jacobo, equalmente de ancestria de David, esseva
assumite esser un successor de Jesus, regente super le
‘governamento’ nascente messianic que Jesus habeva initiate
con su Consilio del Dece-Duo.

Le message e inseniamentos de Jacobo, Peter, Johannes, e le
Dece Duo esseva un continuation de aquello de Johannes le
Baptizator e Jesus.  Illes ha expectate le manifestation imminente
del Regno de Deo, e illes ha predicate un message del repententia
de peccatos, baptizante lor adherentes in lo que illes credeva
esseva le corde de un novemente constituite e reformate
nation de Israel. Gentiles (qui esseva non judeos) esseva
invitate junger les in le causa, tanto longe que illes ha tornante
del adoration de idolos e ha adherite al ethica minime prescribite
in le Torah pro le gentiles.

Le message que Paul ha comenciate predicar in le 40s e 50s
c.e. como Paul ha adamantemente insistite, esseva in necun
maniera dependente super, ni derivate del gruppo original del
apostolos de Jesus in Jerusalem, gerite per Jacobo. Illo esseva
basate super su proprie visiones de un celestial Christo. Il
esseva le message de Paul que ha devenite le fundationes del
orthodoxia theologic christian. In contrasto, le message  de
Jacobo e le apostolos original in Jerusalment non esseva
derivate del revelationes que Paul ha pretendite reciper, mais
esseva basate super lo que le gruppo ha essite inseniate
directemente de Johannes le Baptizator e Jesus durante lor
vitas. [Iste message esseva quasi perdite].

Accordantemente, Jacobo e su successores provide nos con nostre
ligamine le melio a Jesus e su inseniamentos original. Que nos trova
necun tracia del evangelio de Paul ni del theologia pauline in le
fonte “Q” [un fonte perdite theorizate commun in e precedente le evangelios
de Marco, Luca e Mattheo], ni in le litteras de Jacobo,
ni in le Didache, non debe surprisar nos. Jacobo e su successores
representa un original version de christianismo concatenate
plus directemente al Jesus historic, que ha tote pretension del
authenticitate. E isto es lo que le Dynastia de Jesus representa.
Illo es plus que un interessante torno alternative super le historia
del christianismo que permitte a nos haber un pecia minor del
conto.  Un comprehension del Dynastia de Jesus aperi le via a nos
pro recovrar un christianismo original e su message potente pro
nostre tempore."

* * *

Tabor argue que Jesus esseva plus que un altere “fallite messia”
cuje sperantias e sonios non jammais esseva realizate como
illes expectate. Le Causa es semper plus grande que  le persona.
Le causa de Jesus esseva le Regno de Deo.  “Que tu Regno
veni, que tu voluntate sia facite super le terra como illo es
in le celo.”  ... Le Regno que veni es quando le voluntate de Deo
es realizate super le terra, non in celo. Le Regno que Jesus ha
expectate non esseva un regno terrestrial, mais illo esseva
un Regno super le terra. Illo concerneva nationes e populos,
le politica e le poter, governamentos e structuras del autoritate,
regulate per ethicas contra tote formas del injusticia, injustessa,
e oppression.

Non solmente habeva Jesus proclamate le arrivata del Regno de
Deo, ille ha listate un serie de valutas spiritual e ethic basate
super le message del Prophetas hebree, que ancora trova
potente resonantia inter christianos e non-christianos insimul.
De textos como le fonte Q, [in le evangelios de Marco, Mattheo e
Luca],  le littera de Jacobo [in le nove testamento], le Didache, e
le Evangelio de Thomas [trovate in le collection de libros perdite a Nag
Hamadi in 1947] nos pote recovrar le principios  inseniate per Jesus:

“Ama Deo primo, e tu vicinos como tu mesme, e qualcunque tu
trova odiose a te, non face a un altero, mais face a alteros
lo que tu haberea illes face a te. Isto es le essentia del Torah
e le Prophetas. Non pensa que io ha venite destruer le Torah e
le Prophetas; io veniva completer los. Quicunque relaxa un del
minime commandamentos essera reguardate como le minime
per illes in le Regno de Deo. Sia facitores del Torah e non
auditores solmente, proque le fide sin obras es morte.”

“Quando tu da le caritate, non lassa tu mano sinistre saper
lo que tu mano derecte face. Que tu donation al caritate
suda in tu manos fin que tu sape a qui tu lo da. Quando tu preca,
va a tu camera e clauder le porta e preca a tu Patre qui vide,
in secreto. Le prime va esser le ultime, e le ultime le prime.
Pro que nihil celate va faller esser revelate”

“Sia non de duo mentes ni parla de duo latereas de tu bucca,
proque parlar de ambe lateres de tu bucca  es un trappa mortal.
Super toto, tu es semper sub juramento. Si tu dice ‘si,’ alora
illo es ‘si’, e ‘non’ alora es ‘non’.”

“Da a un qui demanda de te, e torna non de alcuno qui vole
prender in location de te. Quicunque ha duo mantellos,
reparti un a ille qui ha necun, e quicunque ha nutrimento
debe facer similarmente. Commoda a alteros, sin expectation
de alque in retorno. Prende necun interesse.”

“Perdona e tu va esser perdonate, da e tu va reciper, proque
le mesura que tu da va esser le mesura que tu recipe. Confessa
tu peccatos un al altero, e preca pro le un le altero.  Cole illes
qui te oppone, preca pro illes qui te mal tracta, face bon a
illos qui te odia, benedice illes qui maldice te. Jacular le planca
de tu proprie oculo tal que tu pote vider remover le planca de
tu vicino. In le mesme maniera que tu judica alteros, tu va
esser judicate. Pro le  judicamento va esser sin mercede a
ille qui ha monstrate necun mercede.”

“Trahe te proxime a Deo e Deo va traher se proxime a te.  Ablue
tu manos, tu peccatores, e purifica tu cordes, tu de duo mentes.
Lamenta e luge e lacrima. Humilifica te ante Deo e Ille va
exaltar te.”

“Il es impossibile montar duo cavallos o traher duo arcos--
tu  non pote servir Deo e le systema de iste mundo. Sequer
le tracia de justessa conduce al Cruce.  Guarda te  quando
tote humanos dice ben de tu. Un propheta non es sin honor
excepte in su proprie circulos. Ille qui es non pro me es
contra me.”

Secundo Tabor istos e altere inseniamentos central representa
plus que alcun platitudines pie. Illes esseva le base de un
programma social e politic implementar tal que le Regno de Deo
realizarea se  super le Terra.  Ambe su defias e periculos
in un mundo que opera secundo principios opposite esseva
ben comprendite per aquelle generation. Johannes esseva
decapitate. Jesus e Simon esseva crucificate.  Jacobo esseva
lapidate a morte.  Le costo de audir le Voce e essayar
sequer lo esseva alte.

= = = =
James D. Tabor es un academico e archeologo biblic.  Ille es le
chef del Departimento de Studios Religiose al Universitate de
Nord Carolina a Charlotte. Ille ha un Ph.D. in studios biblical
del Universitate de Chicago, e es un experte super le Rollos del
Mar Morte e origines del christianismo.

Il es interessante que Monte Tabor es in Galilea, e que James
corresponde al nomine de Jacobo, le fratre de Jesus qui ha
assumite le gerentia del Movimento Messianic post le morte
de Jesus.

Tabor equalmente crede que ille ha discoperite in 1996 un
tumba de ossuarios a Talpiot proxime a Jerusalem que possibilemente
esseva le  tumba del familia de Jesus e Jacobo e lor fratres e sorores
e matre. Le nomines del personas inscribite super lor ossuarios esseva
Jacobo ‘filio de Joseph’,  un Maria, un altere Maria, un Jude ‘filio de
Jesus’ e un Mattheo’. Le problema es que tote iste nomines esseva multo
commun in le prime seculo c.e. de Jerusalem.


Stan Mulaik

--
Archivos e disabonar: http://listserv.icors.org/archives/INTERLNG.html



--
Archivos e disabonar: http://listserv.icors.org/archives/INTERLNG.html