Latinista lamenta 'un lingua moribunde'
Per Christian Fraser, BBC Novas, Roma
http://news.bbc.co.uk/2/hi/europe/6308281.stm

Reginald Foster dice que ille non pote vider un
futuro pro le latino.

Un del plus experte academicos latinista ha
dicite que ille crede que le latino es moribunde.

Reginald Foster, qui esseva altiate al posto de
latinista papal 38 annos jam, dice que le latino
es quasi extincte.

Ille dice que le curas catholic non son plus
incoragiate a apprender le latino in le seminario
e trova lo impossibile leger textos theologic de
importantia in latino. Ille anque ha condemnate
le perdita de latino in scholas public e private per
tote Europa.

Assi que ille ha justo aperite un nove Academia
pro Latino in Roma circa le Pantheon, in su effortio
final pro preservar le lingua official del pontificato.
Ille spera attraher 130 studiantes cata anno a si nove
Academia.

Augustino pensava in latino, on non pote leger
un del patres del catholicismo in anglese, illo es
como audir Mozart per un iPod, in su opinion.

Mais le chef del latinistas, qui ha traducite
oratorios e letteras de quatro papas, dice que
ille non pote vider un futuro pro le lingua que
ille insenia e que ha essite fortiate a recognoscer
que le latino es moribunde.

Le ration es que le plus juvene membros del
hierarchia catholic son minus enthusiastic super
le latino que le papas recente. Al Vaticano, le
assignamentos pro le episcopos ancora son
scripte in latino sur papiro de "papyrus", assi
como etiam le letteras congratulatori ab le papa,
mais multe episcopos e cardinales responde con
letteras demandante un traduction.

In Italia, le majoritate de studiantes scholar ancora
apprende latino per quatro horas diari, usque illes
ha 18 annos de etate.

Mais in altere paises europee illo ha essite reimplaciate
per linguas plus moderne.

Reginal Foster crede que sin le latino le studiantes
perde elementos historic importante.

Reportos que le Papa Benedicto XVI forsan
reintroducera le massa latin son tote equivocate,
ille dice, non minus proque le pontifice desira
non facer parturir plus controversia.

In qualcunque caso, ille dice, illo solo face que
le Vaticano appare medieval. Ille, non obstante,
propone un solution - ille ha incoragiage que le
papa duce per proprie exemplo.

In vice de un "siesta", Benedicto deberea anunciar
que ille va leger in latino in su cameras del Vaticano.


--

[log in to unmask]

--
Archivos e disabonar: http://listserv.icors.org/archives/INTERLNG.html