d[050802] x[Kiviaho Allan] z[KivA-582oi]
s[Re: Symbolos de interlingua]
[log in to unmask]
interlinguanordic.yahoogroups.com
Estimate symbolistas e symbalista Peter!
Symbolos, bandieras, standardos, logos etc. son un del
plus difficile problemas in movimentos de omne sortas.
Ante le conferentia UMI-XVII-2005 le ex-presidente del
Societate Svedese pro Interlingua, Ove Hanebring,
inviava un designo de symbolo de Ove Kindestam, un
interlinguista svedese qui vive in Austria.
Vide
http://www.interlingua.fi/hera/hera.htm
clicca: Projectos de Sven Kindestam, Austria/Svedia
-----------------------------------------------------
PASSIONES. INVIDIA. JELOSIA.
Phenomena NIH = Not Invented Here (Non Inventate Hic)
-----------------------------------------------------
Vide
http://www.interlingua.fi/hera/hera.htm
clicca: An interlingua besonia symbolos graphic?
Symbolos, heraldica, mythos, semiotica
------------------------------------
QUADRATO DIAGONAL (QUADRATO OBLIQUE)
------------------------------------
Io ha ante multe annos venite a resultato que discussion
super un symbolo de interlingua conduce a nihil e creava
mi proprie systema consequente.
Mi systema de symbolos se basa a un quadrato diagonal
(quadrato oblique).
Vide
http://www.interlingua.fi/hera/hera.htm
clicca: Logos de interlingua
Illac tu trova:
--------------------
Logos de interlingua
--------------------
Le symbolo basic in le logos e bandieras de interlingua es
quadrato diagonal. Illo appare in le picturas del Cave de
Marsoula del era prehistoric. Le ancian signification de iste
symbolo non es cognite. In joco del cartas illo (quadro)
symbolisa corage e energia. In meteorologia iste symbolo
significa temperie clar (interlingua es un lingua clar) e in
chimica sapon (interlingua es un lingua pur). In le lingua de
signos de vagabundos anglese le quadrato diagonal significa:
"Hic habita gente generose sed comporte te con respecto e
prende nihil como axiomatic!"
:: (Liungman, Carl G. Thought Signs. IOS Press,
:: ISBN 90 5199 197 5.
:: The subtitle: "The semiotics of Symbols---Western
:: non-pictorial Ideograms"
:: http://www.symbols.com/about.html).
In traffico illo symbolisa "via privilegiate" (Un
cognite manual de Esperanto finlandese es "Setälä,
Vilho. Valtatie kielitaitoon - Privilegia vojo". Pro nos
interlinguistas Interlingua, non Esperanto, es "Valtatie
kielitaitoon - Via privilegiate a maestrar le linguas").
Le colores principal del heraldica de interlingua son
- blau (color europee, symbolo del libertate in San
Marino, illo del celo in Finlandia), e
- (symbolisa pace in San Marino,
- nive [plus exactemente "hanki" = crusta gelate de
nive] in Finlandia), "Kuin taivas ja hanki Suomen - ovat
värisi puhtahat" / "Como le celo e hanki de
Finlandia - son tu colores pur!" [in le bandiera
finlandese]
--------------------------
LE MUNDO PARLA INTERLINGUA
--------------------------
http://www.interlingua.fi/hera/hera.htm
In supra a sinistre es le logo "LE MUNDO PARLA
INTERLINGUA". In le logo le colores representa:
blau = Europa
rubie = America ("pelles rubie" ...)
jalne = Asia ("le menacia jalne")
nigre = Africa ("le continente nigre")
He-he, le definitiones son como ex le theorias racial de
Alfred Rosenberg (qui nasceva in Estonia, studiava in
Moskva e Riga a ingeniero sed deveniva le theoretico de
questiones racial del Partita Nationalsocialista in
Germania. Su theorias conduceva le al furca in Nürnberg
in 1946.
Totevia, le mesme colores son usate e.g. in le anellos
del jocos olympic.
-----------------------------------------------
INTERLINGUA IN FENNOSCANDIA E BALTOFENNOSCANDIA
-----------------------------------------------
http://www.interlingua.fi/hera/hera.htm
In supra a derecta es le logo del "interlingua in
Fennoscandia" (Finlandia, Svedia, Norvegia e Danmark;
benque, strictemente, Danmark non pertine a Scandia).
Nos pote etiam dicer "interlingua in NORDia".
http://www.interlingua.fi/hera/hera.htm
clicca: le standardo fennoscandobaltic
Io trova iste symbolo de
:: Islanda-Danmark-Norvegia-Svedia-Finlandia-
:: Estonia-Latvia-Lituania
multo belle ...!
------------------------------------
"UNION PANEUROPEE parla interlingua"
------------------------------------
http://www.interlingua.fi/hera/hera.htm
clicca: Standardos de interlingua
Tu trova "UNION PANEUROPEE parla interlingua".
Nota bene que le Union Paneuropee, vide
:: http://www.paneuropa.org
era le predecessor spiritual del Union Europee,
le bandiera del Union Europee es adoptate ex le
bandiera del Union Paneuropee (sin le cruce del
sol - symbolo del imperatores byzantin) Le
ancestores del fundator del Union Paneuropee,
conte Coudenhove-Kalergi era noblesse alte ex
Brabant, Pais Basse (Coudenhove) e illes del
dynastia imperial de Byzantio de Phokas (Kalergi).
A iste familia pertineva un palatio meraviliose in
Venezia, Palazzo Vendramin-Kalergi, ubi moriva
le grande compositor Richard Wagner.
Mesmo le hymno del Union Europee "An die Freude"
per Schiller e Beethoven" es adaptate ex le Union
Paneuropee. Vide
http://www.interlingua.fi/upeu/freude.htm
Il ha un connexion interessante inter interlingua
e le Union Paneuropee via Stephen P. Duggan (le
ultime presidente del IALA e le presidente del
Union Paneuropee in exilio) e Coudenhove-Kalergi.
A proposito, io es un membro del directorate del
Union Paneuropee de Finlandia.
Salutante
Allan Kiviaho
Allan Kiviaho
======================================================
Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:
http://www.interlingua.com/
======================================================
|
