Expeditiones separate antarctic trova duo nove species de dinosauros.
Del American Scientista
Adde al lista de species de dinosauro un carnivore e un herbivore, ambe
habitantes de Antarctica quando illo esseva plus calde e parte del
continento massive del hemisphera del sud appellate Gondwana.
Duo equipas de recerca, laborante circa 2.000 miles a parte del un
le altere in le frigiditate e glacie, trovava fossiles del dinosauros in
decembre de 2004. Le Fundation National del Scientia del SUA ha fundate
ambe expeditiones. Le carnivore, o therapodo, ha possedite alcun
characteristicas plus primitive que su etate suggererea--illo
ha vivite circa 70 milliones de annos ante hodie. De aquello, le
recercatores ha deducite que le specie debeva haber continuate de
viver in Antarctica longe post illo ha morite in altere partes in le
mundo a causa del avantia de plus habile predatores, como
Tyrannosaurus rex.
Le herbivore, o serapodo, ha vivite alcun 190 milliones de annos
ante hodie, e illo esseva circa 10 metros longe, facente lo
un del plus antique serapodos que jam ha existite, e un del
plus grande de Antarctica.
Ambe expeditiones habeva ite foras in cerca de alque altere que
le species de dinosauros. Secundo paleontologo James Martin
del Schola de Minas & Technologia de Sud Dakota, cuje equipa ha
trovate le carnivore, illes cercava un marsupial "de pistola fumante"
pro provar le hypotheses que animales habeva migrate de America
del Nord a America del Sud a Antarctica, e alora a Australia.
Blocate per le glacie de primavera de attinger lor sito selecte,
illes, in loco, ha disimbarcate al Insula de James Ross e ha trovate
le therapodo.
Il es difficile creder que iste dinosauros ha habitate Antarctica
minus que 6.000 annos retro...
Stan Mulaik
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
