Luca ha scripte:
>Nunc in le population italian il ha un specie de timor
>in usar le nove moneta. On ha timor de esser dupate
>per homines dishoneste con le resto del monetas
>durante le pagamento del mercantia. Le lira ha un
>grande differentia de valor in respecto al euro,
>1 euro = 1936,27 liras e assi nos habera le centesimos
>in nostre calculo del precio. Le centesimos ha
>disparite post le secunde guerra mundial a causa del
>grande inflation e le nove generationes (io mesme)
>non es accostumate al centesimos e isto pare satis
>preoccupante al gentes. Un augmento de 30 0 50
>centesimos a prime vista non pare multo importante ma
>si io face le conversion illo es satis elevate: circa
>600 - 950 liras. Assi in iste dies il ha le recerca
>de parve (it) "convertitore"/convertitor (?)
>electronic que face le calculo del conversion lira/euro
>rapidemente e sin errores!
("convertitor" o "conversor")
:^) Isto me face rememorar le multe cambios de moneta que nos ha suffrite
in Brasil in le annos 60 a 90. Le monetas brasilian, sempre corrodite per
le inflation galopante, era cambiate, con un elimination de 3 zeros. Illo
que era 1.000 in le moneta precedente deveniva 1 in le nove moneta.
Il habeva mesmo un storietta humoristic... In un congresso de economia, un
economista american demanda a un economista brasilian: "Como va le
inflation in tu pais?" Le responsa: "30%". Le americano se espaventa: "30%
al anno? Isto es mal..." Le (tragi)comedia es que le inflation era 30% AL
MENSE...
Assi, nos ha habite "Cruzeiro", "Cruzeiro Novo", "Cruzado", "Cruzado
Novo", "Cruzeiro" ["...de novo" :^)]... Vide http://www.bancocidade.com.br/comentarios/planos.htm
Finalmente le Plano Real ha succedite continer le inflation, insimul con
le introduction de un nove moneta, le Real. Totevia, le conversion del
precedente Cruzeiro Real al nove Real non era simple como le elimination
de 3 zeros. Un Real equivaleva a 2.750 Cruzeiros Reais.
E ante que le monetas e notas de Real era disponibile, le precios ja era
fixate in Real. Nos debeva facer le conversiones quotidianmente pro pagar
con le vetule monetas e notas de Cruzeiro Real. Le personas exiva al
compras con calculatrices e tabellas de conversion.
In le caso de Italia, io pensa que tu poterea imprimer (con un fonte
micre) un tabella con le equivalentes in liras del valores de 01 a 99
euros.
EUR ITL
01 = 1936,27
02 = 3872,54
03 = 5808,81
...
25 = 48406,75
...
99 = 191690,73
Isto te permitte facer un calculo rapide de summa pro le valores de EUR
0,00 a EUR 99,99:
03,25 EUR
-----|--|
5808,81|
+ 484|06,75
-----|--|
6292,87(75) ITL
6292,88 ITL (rotundate)
E le mesmo tu pote facer in le senso inverse.
ITL EUR
01 = 0,000516457 (rotundate)
02 = 0,001032914
03 = 0,001549371
...
25 = 0,012911422
...
99 = 0,051129233
Exemplo: 9.925,00 ITL = ? EUR
99|25,00 ITL
--|--|--|
0,05|11|29...
+ | 0,01|29...
--|--|--|
5,12(58...) EUR
5,13 EUR (rotundate)
>Le cosa le plus insolite es que nos trova ubique le
>precios scripte in euros, ma materialmente necuno ha
>viste le monetas, necuno ha realmente tangite le
>billettes de banca. Le prime gruppo de monetas nos lo
>potera retirar in le bureaus de posta in le medietate
>de decembre e nos initiara usar los in januario 2002.
>In tal maniera nos ha ancora non le possibilitate de
>accostumar se a iste nove moneta, a iste nove cambio
>de valuta.
>
>Qual pote esser le impacto real del population re iste
>nove euro nos lo videra in le proxime menses.
>Securmente in le prime dies nos habera multe confusion
>e errores super toto proque il non habera nove euros
>bastante pro totos!
Calma, Luca. Le cosa non va esser tanto mal. Crede me! Io ha passate per
tote illo que tu dice. ;^D
A revider,
Ensjo.
|
