From: "Timothy Finan" <[log in to unmask]>
> Il horrifica me quando vede personas altremente intelegente
> duscutante como en le medioeval.  Io non credo que vos es en serio.

Ay, povre Timoteo!
In mi opinion le theoria del evolution
ha multe foramines. Tu forsan es de
un altere conviction. E isto es toto
ben. Ma le ecclesia Catholic ha etiam
recentemente dicite que le inferno non
es un sito real de foco e de tormento.
Proque debeva isto sortir depois tante
seculos in un opinion contradictori,
secun le Papas?

In mi opinion, le ecclesia Catholic
ha multe altere problemas hic in
le Statos. Lo que illes dice non me
interessa multo como le ver realitate.
Io vole saper le opinion de personas
que clama esser sequitores Catholic
e non le proclamationes Papal que
como nos jam sape plenmente son
non plus que le opiniones politic de
un gruppo de personas ab le Vaticano.

In quanto al vergonia causate a te
per mi opiniones. Que te pote io dicer?
Proque debe tu haber vergonia ab lo
que io opina? Mira, tu opiniones son
tante valide hic al lista como son le
mies o illes de altere personas, nonne?

Lo que io te dice es le veritate assi
como io lo vide. Le evolution pro me
es un theoria. Non plus. Il ha altere
theorias, nonne? Nos necessita probas.
E quando un persona dice "basta, io
ha bastante proba" tunc ille pone fide
in lo que audi, nonne? Pro me io ha
bastante proba pro creder in le Parola
de Deo. Que ille controllava le emergentia
de animas hic al mundo. Como ille lo
faceva, io non sape, ille non describe
le processo scientific pro illo, ma... si
dice que ille formava le homine ab le
pulvere del solo, e tunc, que va opinar
io? Pois, io dice "basta, io ha bastante
proba" e resta calme que io ha fide
pro creder que Deo es le causator
del vita in le Terra. Ha qualcuno
un revelation tante grande que poterea
cambiar mi opinion?

Le beltate de iste lista es que nos
pote haber opiniones differente. Tu
e io e qualque altere amico que vole
practicar Interlingua. Esque tu opina
que io es intelligente, forsan? E ben
io te dice que io non es tanto intelligente,
que in mi cognoscimento de lo que io
apprende, io comprende le quantitate
del cosas que io manca de saper. E
le realitate de isto me humila. Io es
le infinitissime grano de arena in un
plagia, quasi necun cosa in comparation
con le magnitude del universo... E que
significa isto pro me? Que considerante
mi insignificante vita, ancora le Creator
de iste grande universo habeva bastante
amor pro me, io, iste lumbrico, que Ille
inviava su proprie filio unigente a iste
humile planeta pro le redemption de
animas disposte a responder al amor
que Ille nos insenia, con le mesme amor.

Pro creder in lo que dice le Parola de
Deo multe personas ha morite. Illes ha
perdite lor vitas, pro leger le Parola
de Deo, le Biblia. Imagina te, pro leger
o haber in lor possession un Biblia!
Qual crimine! E quando, il le medievo?
Si, si, ma ancora in le presente, in
Georgia, ille ex-sovietic non le del
Statos Unite, e illac on perde le vita,
suffre persecution, matres e filios,
vetule feminas, colpate con fustes
al capite! Isto in le XXI seculo!
Un ver vergonia! Pro ille personas
inhuman qui age como animales!

E tunc, pro me, proque vergonia?
Como esserea isto? Io poter esser
vergoniate pro lo que io crede?
Fratres mie in iste credo perdeva lor vita
a manos de Darwinistas, de Atheistas, e
pejor, a manos de Catholicos, e
Orthodoxos, e de Calvinistas, de
hypocritas qui con su presumption de
intelligentia conflagrava e deportava, que
occideva e mutilava. E que? Es iste le
mirabiliose puncto de vista que illes offere?
Es iste le realitate de ille inhumanos? Si,
regrettabilemente, e non mirabiliosemente,
non, ma mira, "biliosemente" si. E con ille
bile illes se torna in le animales que illes crede
esser su patres. Assi, qui esseva Hitler?
o Stalin? O mesmo que sorte de animales
esseva illes?

Quando le totalitate del humanitate tracta
se con respecto e amor pro nostre vicinos,
tunc appellarea illes isto un evolution? A
que?

Assi, Timoteo, non senti vergonia pro me,
per favor, crede in lo que tu senti forte
conviction. Vive le vita con ille credentia
e dedica a illo tu fortias. Isto es lo que io
face pro le credentias mie, e vergonia non
senti io pro illo.

Amical e seriemente,
Jay B.