Alberto Mardegan wrote:(...)

> Si: in effecto, tanto major es le distantia inter duo planetas, tanto
> major es le tempore necessari pro communicar.
>
> Il non es multo improbabile que il existe planetas habitate, mesmo non
> distante del nostre; totevia, "vita" non significa "intelligentia" e
> ergo capacitate de inviar signales in le spatio. In vice, il es plus
> probabile que le intelligentia medie del formas vivente de un altere
> planeta habitate es equal a illo de nostre planeta: multo basse (le homo
> es le sol qui pote vantar se de cognoscentias technologic).
>
> > Io me demanda e io vos demanda : qual marcas o qual modificationes o qual
> > message mathematic le systema solar poterea conservar ora ab visitas
> > extraterrestre hyperpotente, post oceanos de tempore ?
>
> Io pensa que si on habeva un tal visita, le signos de su presentia
> esserea ben visibile.
> Totevia iste visitas es muuulto improbabile, in le passato; le futuro in
> vice es ancora a scriber.

Mesmo si il existe planetas habitate de multo intelligente esseres, il habera
grande difficultates a illes attinger nos, il es probabile que on jam face
probas, solo nos los non vide. E si on suppone que le extraterrestros pote
observar nostre medios, ego es convincite que illes es multo caute. In omne
films de incontros con extraterrestre personas le visita occurre in America, e
America incontra con tote su armea o con bandas de armate locales, qui non ha
multe interesse in conversation. Amabile exceptiones a iste regula es le films
ET (ma il ha un poco de isto mesmo ibi) e Cocoon, parlante del quales ego ha
vidite.

Ma retro al thema. Lassa nos supponer que le formicas habeva un grande
litteratura, colligite per vias chimic sur folios o in fungos, esque nos lo
remarcarea? Evidentemente non!

O pote un observator de un enorme distantia del terra comprender que nos in
nostre urbes grandissime face un cultura? On vide humanos venir e sortir, in
certe casas on da parve cosas e recipe moneta, in alteres on sede e reguarda un
cosa, in alteres on sede e parla in cambio con un altere parlator. Es isto
cultura o es il cosas instinctive. Lassa un formica sol e illo mori, lassa un
humano tanto sol e in multe casos anque ille mori. Tanto ben que on pote poner
un formica in un laboratorio e tener lo ibi, on pote facer le mesme con un
humano, o que?

Un amusante idea de un libro de fantasia esserea le description de un societate
de formicas que ha un cultura, e on traduce le formicas como humanos e solo post
un relativemente longe intrata in le romano comprende le lector que ille lege de
formicas e non de humanos! Ma isto facite sin le antropomorfication del
formicas! Un multo difficile carga!

Kjell R