Ben que interlingua es un multo parve lingua,
quanto al numero de parlatores, illo tamen crea un
altere platteforma cultural. On pote star sur
interlingua per un pede e sur le anglese per le
altere, concernente le contactos international,
pro le contactos national cata uno ha su proprie
lingua national o regional que on usa.

Lo que assecura interlingua a me in un maniera que
le anglese non pote facer, es mi autonomia in un
lingua. Ben que il ha discussiones in re iste o
ille parola, ma isto occurre anque in le linguas
national, ma io non debe timer que io rumpe un
regula que es evidente al native parlator qui
sempre es le professor e io es le alumno, in
interlingua io es mi proprie professor e alumno.
Io studia le Scripturas e pote apprender como usar
interlingua. Illo es le lingua scholar que me
adjuta de comprender le grande linguas romanic, le
vocabulario elevate in anglese, e le parolas
estranier in mi maternal svedese.

Mesmo si io esseva le sol parlator de interlingua
in tote le mundo, io profitarea de illo.

Kjell R