[log in to unmask] wrote:
>(...)
>diceva Ali Abdul Amir, un chirurgo orthopedic. "Isto
>non es libertate."
>
Claro que no! Pote on imaginar que un populo pote eliger un governo post
30 annos de dictatura con un partito que ha su poter solo per minaceas?
Il ha un interessante libro que io legeva in germano. Ille libro se
appella "Die Revolution Entläßt ihre Kinder. Ibi le autor Wolfgang
Leonhard narra como le Stalinistas inseniava le german refugiatos qui
vadeva viagiar con le armea sovietic retro a su patria, como on selige
un governo o directoratos componite per omne gruppos del societate. Le
simile methodo usa le americanos, un methodo basicamente stalinista,
componer un concilio de omne gruppos existente in le pais, monitorar le
suprematia del fortias democratic (le quales tu ha definite).
Il es obvie que un tal concilio non habera legitimitate democratic. In
un data in le futuro le irakianos va eliger su proprie governo. Isto
essera multo interessante.
Si le americanos succede installar un pleno fungente governo in Irak,
tanto melior pro nos omnes!
On deveni facilmente un poco cynic quando on reguarda le maniera in le
qual le populo rationa. Io pote solo comparar con le discussiones coram
le proxime referendum concernente le introduction del euro in Svedia.
Subito io trova que io vive inter un populo grossemente conservative! Il
es questionabile si le population haberea votate pro le derecto del
feminas a votar! Il sembla que le politicos es sovente multo plus
"liberal" (in le senso pro plus de libertate, plus de humanitate,
radical pensamento) que le resto del population.
"Le politicos es fures", on dice. Ma in facto il ha multe possibilitate
eliger le politicos que on vole. Tamen le labor de un politico in Svedia
non es un preoccupation que resulta in "gratias" del population. "Le
politicos decide super nostre capites!" "Le politicos vive foras del
vita del humano quotidian". Ma in facto il es, de mi puncto de
observation, difficile vider que politicos haberea plus in commun con le
resto de populo que justo in Svedia. Le terribile veritate es, secundo
me, que le labor de un politico es enoiose, un massa de parvissime
detalios. Multe discussiones, conventiones longe intra le nocte! Le
familia non vide multo del politico.
Si longe que toto va ben le publico non se interessa. Il es quasi le
cosa con movimentos pro linguas auxiliar como pro interlingua. Il ha le
"factor de divertimento".
Probabilemente on deberea limitar le rolo del politicos al legislatura e
facer un division con officiales executive. Como nunc le maniera pro
attraher electores es varie distributiones del benes que recipe le
stato e communa (le local administration in Svedia). Varie partitos
propone varie "reformas" = moneta a un certe gruppo.
Il pote naturalmente ben esser que juste iste facto es un stimulante del
interesse politic, forsan un que resulta in le alte proportion de
participation in le electiones al comparar con le Statos Unite.
Del altere latere in le Statos Unite on elige burgomaestro, chef de
policia etc. politicamente. Hmm.
On nota anque in Svedia un plus grande politification del vita societal.
Forsan mi idea del limitation politic tamen non es tanto stupide!
Amicalmente
Kjell R
>
>Le americanos e le britannicos spera que le
>diversitate del composition del concilio essera su
>salvation. Illo include shiitas, sunnis, unes kurdos,
>tres feminas, e un communista.
>
>
|