Dumitrescu Cristian <[log in to unmask]> recorda que:
> Cristian
>
>PS
> Io rememora lo que senior Mario intendeva facer, un
>sito ubi on parla re le cambiamentos de interlingua.
>Illo es valabile ancora?
Le idea me place sempre, justo perque io continua a pensar que le lingua
vive si illo obtene contributiones le plus diverse.
Totevia pro facer isto il non debe esser necessari un qualcunque campania
contra un altere lingua europee, ni proponer referentias que provoca
derision al realitas historic de quicunque.
Io ama mi realitate, illo que io judica mi realitate historic, al puncto que
io ha respecto de omne altere realitates. Forsan in le practica io non face
isto, totevia isto es mi desiro.
Un sito del qualitate que tu recorda deberea exprimer un mi selection del
contributores e tosto il serea facile individuar que io non ama le manco de
respecto pro un qualcunque realitate que existe a iste mundo.
Alcunos scribe lor aversion pro patria, bandiera etc., al contrario io ama
iste referentias.
De consequentia le sito devenirea in le practica un complication enorme e un
realitate contrari a interlingua.
Io pensa que disveloppar sitos con le uso exclusive de interlingua deberea
esser un valide contribution a su diffusion. Pro facer isto io personalmente
ha ancora multe limitationes con le uso correcte de interlingua, illo
orthodoxe de IALA, io intende. Formar un gruppo con iste intentiones es
quasi impossibile, o io non ha ancora trovate le juste relationes pro
participar a iste hypothetic gruppo.
In conclusion le projecto resta tal e attende antea le interlingua
codificate usque al 1951 per IALA.
In ultra al aspecto linguistic qual credibilitate obtenera un sito que
propone interlingua, lingua que non pote garantir un interesse per multe
personas e que como sito jam propone exigentias de variationes que solmente
porta a restar lontan de iste lingua?
Io ha le natura de un persona qui es portate al critica, totevia io al fin
seque un mi equilibrio e pro me, pro illo que pote depender per me,
interlingua resta illo in le version orthodoxe de IALA.
Postea si io non ha le capacitate de exprimer iste interlingua, isto es un
altere question. Al fin, in realitate, io usa italiano non terminos
normalisate, forsan.
Pro me que interlingua sia assi proxime al anglese es un merito (mesme pro
mi italiano) e, forsan, su residue possibilitate de haber un suite in le
futuro per le considerationes que io jam scribeva ultimemente: le anglese es
un presentia que vade diffunder se pro factos natural, totevia de qual
anglese parla nos? Si interlingua pote sequer le diffusion del anglese e
restar illo que illo es, sin deviationes e phantasias, ben! forsan il
arrivara le momento pro interlingua nonobstante plus de 50 annos de quasi un
total absentia.
Quando io lege que uno, como in le dies passate, de un qualcunque pais,
trova un facile comprension e ille pote practicar interlingua, io pensa de
non haber dissipate le annos que io ha dedicate a iste lingua. Illo officil,
comocunque e possibilemente sempre, justo pro su prime e peculiar
characteristica: illo de esser un lingua auxiliar e, de consequentia, le
contrari de un complication. O tu lo accepta e lo practica assi e tu ha
coscientia de utilisar un lingua auxiliar que non te pone limitationes a
tractar qualcunque thema, o tu non ha le vocation de recurre a un lingua que
es e debe restar auxiliar in le senso de esser simplice, al portata del plus
grande numero de personas e non solmente de se dicente cognoscitores de plus
linguas al puncto de facer se propositores de variationes sin constructo, ni
arte, ni validitate. Le grammaticos, ver o false, non es un bon compania pro
me.
E pro hodie io ha scribite troppo in iste lista.
Mario
_________________________________________________________________
Prova MSN Messenger per conversare in linea con i tuoi amici:
http://messenger.msn.it/
|
