Subject: | |
From: | |
Reply To: | INTERLNG: Discussiones in Interlingua |
Date: | Fri, 10 Nov 2000 13:42:40 -0200 |
Content-Type: | text/plain |
Parts/Attachments: |
|
|
Walter Cândido ha scripte:
>Le jornal brasilian O ESTADO DE SAO PAULO ha publicate
>le 23/05/00, un novas espaventabile, terribile.
>Le libros nordamerican de geographia monstra le mappa
>de Brasil amputate, sin le statos AMAZONAS e PANTANAL,
>ubi situa le REGION AMAZONIC.
>Le nordamericanos insenia in lor scholas que iste
>areas son international ... in alter parolas, illes
>prepara lor opinion public pro poter in le futuro,
>suppremer, subtraher iste territorios de Brasil, con
>legitimitate.
Walter, iste message que tu ha recipite es un FRAUDE. Se tracta de un
"CATENA" -- un message que incentiva le receptores a retransmitter lo al
maximo de personas possibile.
Le Jornal "O Estado de São Paulo" ipse ha publicate un materia
dismentiente iste (dis)information in 07/10/2000:
http://www.estado.com.br/editorias/2000/10/07/ger696.html
Io traduce alcun partes:
~~~
RETORNA A CIRCULAR E-MAIL CON MENTITA SUPER AMAZONIA
Malgrado ja haber essite dismentite, information apocryphe continua in le
Web
In le prime sex dies de octobre, le redaction del portal Estadao.com.br ha
recipite 140 messages electronic con questiones super supposite mappas de
Brasil usate in scholas american -- mappas que citarea le region amazonic
e le "Pantanal" como "area de controlo international". Le conclusion serea
que le americanos doctrinarea lor juvenes pro un guerra pro le possession
de parte del territorio brasilian. Le fallacia [boato], cuje veracitate
veni negate desde maio (...) reappare post exhaustive dismentimentos
(...).
Le information super tal mappas ha comenciate a circular in le initio de
2000, sub le forma de un "catena" ["corrente"] apocryphe de e-mail. Le
origine del catena pare esser in un nota divulgate in le sito
ultranationalista http://brasil.iwarp.com, que contine un mappa con le
mesme characteristicas del supposite mappa american. (...)
~~~
SIA CAUTE con tal messages que incentiva le receptor a retransmitter lo a
varie personas -- probabilemente se tracta de SPAM. Le contento del
message pote esser:
* Un false denuncia (como in iste caso);
* Un false alerta de virus;
* Un false campania de solidarietate ("pro cata message retransmittite, le
instituto X va donar $0,10 pro adjutar un puero moribunde qui suffre de
cancere");
* Un false campania publicitari ("Microsoft/Nike va dar su producto X
gratis pro personas qui retransmitte iste message");
* E etc-etc-etc.
SEMPRE DIFFIDE de messages que dice "retransmitte iste message a tote le
personas que tu cognosce". Non dissemina "catenas" fallace.
Ensjo.
|
|
|