Subject: | |
From: | |
Reply To: | |
Date: | Sun, 15 Jun 2003 10:39:57 -0300 |
Content-Type: | text/plain |
Parts/Attachments: |
|
|
ESSER FEMINA
Esser femina, venir al lumine apportante le anima cisellate
pro le placeres del vita; le libertate e le amor;
essayar del gloria le etheree, le celse-volante scalada,
in le eterne aspiration a un sonio superior.
Esser femina, desiderar altere anima pur e ansate
pro poter, con illo, le infinito transponer;
sentir le vita triste, insipide, insulate,
cercar un companion e trovar un domino...
Esser femina, calcular tote le infinito curte
pro le large expansion del desiderate florimento
in le ascension spiritual a perfecte ideales...
Esser femina, e, oh! atroce, tantalic tristessa!
remaner in le vita qua un aquila inerte, prendite
in le pesante catenas del preceptos social!
Gilka Machado, poetessa brasilian.
|
|
|