Subject: | |
From: | |
Reply To: | INTERLNG: Discussiones in Interlingua |
Date: | Thu, 6 Feb 2003 10:18:42 +0100 |
Content-Type: | text/plain |
Parts/Attachments: |
|
|
Jared Diamond: Guns, Germs and Steel
(Trad. in svedese: Vete, vapen och virus
= Tritico, armas e viruses).
Ecce un multo interessante libro
scribite per un scientista american e
que io lege in le traduction svedese,
cuje titulo succede in esser in
allitteration complete, Vete (Tritico),
Vapen (armas) Virus (virus).
Io es ben certe que le libro anque
existe in altere traductiones national,
si vos non vole leger lo in le original.
Le autor explica le rationes proque il
esseva Francisco Pizarro qui captava le
imperator Atahualpa e non Atahualpa qui
captava le rege de Espania Carlo V
(anque cognoscite como le rege de
Espania Carlo I).
In curto le causas era le position de
Eurasia in occidente-oriente, le grande
animales domesticabile e le morbos
infectuose que le humanos recipeva del
animales e cuje bacterios le humanos
postea poteva usar como un sorta de
belligerentia biologic (sin vermente
saper de isto!)
Le autor ha laborate multo in Nove
Guinea, le "pene-maxime" insula del
mundo (Gronelandia es plus grande) e ha
multo interessante punctos de vista.
Io vole fortemente recommendar que vos
lege iste libro, si vos ha interesse in
tal questiones. Al minus a me illo es
extrememente interessante!
Amicalmente
Kjell R
|
|
|