Subject: | |
From: | |
Reply To: | INTERLNG: Discussiones in Interlingua |
Date: | Sun, 26 May 2002 04:56:04 -0500 |
Content-Type: | text/plain |
Parts/Attachments: |
|
|
Horacio, tu dice non esser un bon jocator de football.
Io mesmo jocava jammais in un partita de football excepte sovente
ante mi television !
Io scribeva « Bravo Horacio pro tu goal splendide marcato
con le testa inter mi pedes ! »
Io voleva solmente facer un comparation re le Cuppa.
De facto, io ha passate tute mi adolescentia a bicyclar!
Io ha mesmo competite plure annos ma sin victoria !
Un singular phenomeno psychologic que Stan, Ensjo e alteres
poterea explicar particularmente ben es le identification
plus o minus superficial del supporters a un equipa national
o local de football.
Assi le aficionados madrilene sembla identificar se a Roberto Carlos,
Figo, Zidane, Makelele, etc. que non son ni madrilenos ni mesmo
espanioles !
Iste identification es a me sympathic, talmente human,
e le festa espaniol es magnific !
Il resta que le Mundial como le Jocos Olympic es un evenimento
considerabile perque illo uni le passiones de milliardos de
esseres human de omne colors in un rapprochamento pacific,
e illo insenia un pauc de respecto verso omnes (e anque un pauc
de geographia que manca sovente a nos franceses !)
Pro non facer un e-mail troppo lunge, io respondera tosto
al resto de tu message tanto pertinente que sonda le corde de mi
pensamento.
Io respondera particularmente a tu demanda « qual serea le utilitate
de iste « signos stellar »? ... e qui o que lo haberea create? »
Sin connexion apparente con nostre subjectos presente, excepte
le character phantastic, io admira multo Jorge Luis Borges.
Su obras, 40 annos post lor lectura, se misce in mi sonios
e io deveni « el Inmortal » decifranto le maculas del jaguar
in le « biblioteca de Babel ».
Amicalmente, Jacques !
|
|
|