Mario Malaguti wrote:

> Uno de mi Angelos tutelar es Paolo Castellina con su vocabulario
> italiano-interlingua, ubi al voce angelo io pote trovar:
>
> it angelo sm ia angelo, (it angelo custode ia angelo tutelar)
>

Benissimo! Ego ha apprendite un nove parola.

Le scriptoressa (scriptrice) Margit Sandemo, autor de un massa de romanos
popular ha parlate de isto que cata persona ha un "auxiliator, un adjutor" qui
pote proteger le persona. Si ille auxiliatores es angelos es un question que
ego lassa - a manos calide - al expertos. ;-)

Iste scriptrice Margis Sandemo es un phenomeno special. Su libros es imprite
in enorme tirages et on los trova in quasi omne locos ubi on vende libros, ma
ego quasi nunquam ha vidite su libros al bibliothecas municipal. Le scriptrice
introduce su lectores a un mundo quasi- o semi-magic ubi il ha un enorme
ammonta de mystica. Le libros es exorbitantemente mal corrigite, ma illa sape
narrar un historia que pote esser interessante. Isto non es multo pro le Mundo
Litterari o pro le Intellectuales, ma pro le resta de nos illos contine multo
interessante lectura. Forsan ancora un numero pro le industria de libros
international....

Ah, qual associationes pro le parola angelo tutelar!

Amicalmente

Cellus