Isto debe sufficer pro maio/99. http://www1.europarl.eu.int/dg3/sdp/tribeur/es/es9905t4.htm (Original in espaniol) NOTITIAS BREVE CLAUSURA DE CONTOS -- Le Parlamento Europee ha procedite al clausura de contos del exercitio de 1996 sin conceder su approbation. In iste maniera termina le procedura budgetari de ille anno ben que non se approba explicitemente le gestion financiari del Commission. Precisemente le processo initiate con le non approbation del gestion budgetari de 1996 ha resultate in le dimission collective del executivo communitari. Quanto al gestion de 1997, le plenario ha optate pro postponer le approbation usque quando le nove Commission assumera su function. STATUTO DEL EURODEPUTATO -- Le Consilio e le Parlamento debe continuar negociante le statuto del eurodeputato. Le Parlamento non ha considerate acceptabile le texto del Consilio. In particular, le Parlamento rejecta un tractamento fiscal pro eurodeputatos differente secundo le pais, pois le objectivo de un statuto unic es garantir le equalitate de tractamento independentemente del origine geographic. Actualmente le deputatos se rege per le statutos national. Le elaboration del statuto es competentia del Parlamento ma se require le unanimitate del Consilio pro que illo entrara in vigor. SECTOR TEXTILE -- Le eurodeputatos ha criticate le practicas de competition disloyal in le sector textile que mitte in periculo le effortios de adaptation e modernization realizate per interprenditores europee. A causa de illo le Parlamento recommenda que se utiliza instrumentos de defensa commercial e pete que se analysa le conditiones de accesso del productos europee a altere paises. PROTECTION CIVIL -- Le reporto del eurodeputata Laura González (SUE/SVN, E) super un programma de action communitari pro le protection de personas, medio ambiente e benes in casos de catastrophe natural o technologic ha recipite le approbation del plenario. Le Parlamento vole que le intervention communitari potera producer se non solo post un catastrophe, ma tamben ante un periculo de catastrophe. Nonobstante, illo propone dedicar special attention al situation del regiones ultraperipheric e isolate. LIGAMINES CON RUSSIA -- Le relation con Russia ha essite objecto de un resolution del Parlamento Europee in le qual se insiste que le Union Europee debe contribuer pro le modernization e disveloppamento del economia russe e debe intensificar le cooperation in le area de securitate nuclear, protection del medio ambiente e lucta contra le crimine. Altere reporto approbate per le plenario argumenta in favor de un identitate europee in le area del securitate, al qual contribuerea le nomination del alte representante pro le politica exterior e de securitate commun. --- Ensjo.