Allan Kiviaho, vos ha facite un travalio major in assemblar le informationes super grados militar in le varie nationes. Bon obra! Con respecto al varie grados in le armea del Statos Unite, le distinction inter "specialists", e.g. "specialist five -> 'spec five'" e le regular grados de soldatos es pro distinguer inter grados de authoritate de commando e grados sin tal authoritate. Le specialistas es sovente assignate a positiones technic e logistic, e le varie nivellos representa varie grados de experientia, habilitate, e responsabilitate technic. Le nivellos de specialistas corresponde al grados de corporal e del sergentes. Le "warrent officer" es intermediate inter le officieros con commission, e le sub-officieros. Sovente le "warrent officer" es un experto. Sovente illes non commanda unitates de truppos. Io rememora que il habeva "warrent officers" in le artilleria contra-aeree proque illes esseva expertos in le electronica de radar. Tote le pilotas de helicopteros es "warrent officers". Le EID da *subofficiero pro "warrant officer", mais isto non debe esser confuse con le corporales e sergentes. In le armea del SUA le officiero "warrent" es un "officiero certificate" durante que un officiero con commision, recipe su commission del Congresso del Statos Unite. Stan Mulaik