Io ha trovate un remarca super le sequente articulo (originalmente in anglese) a soc.culture.catalan in le interrete. Mi responsa seque in un message proxime: Perique des Palottes <[log in to unmask]> writes: Falwell appelle 'Teletubby' gay. per DAVID REED .c le Pressa Associate ROANOKE, Va. (AP) -- Esque Tinky Winky es gay? Le Rev. Jerry Fallwell lo suspice, informante parentes que le character purpura del Teletubbies del programma popular infantil es un modello a emular homosexual. Sub un titulo que dice 'Parentes Sia Alerte: Tinky Winky se revela', un articulo in le edition de februario del National Liberty Journal nota que Tinky Winky ha le voce de un puero mais jam porta un bursa. "Ille es purpura -- le color de gay-pride; e su antenna es formate como un triangulo - le symbolo de gay-pride," le articulo diceva. Le jornal es redacte e editionate per Falwell. Fallwell argue que le "images subtil" es intentional e in un annuncio a martedi passate ille diceva que "Como un christiano io opina que a modellar le via de vita homosexual damnifica le vitas moral de infantes." Un portavoce pro le Itsy Bitsy Entertainment Co., que vende licentias a disseminar le Teletubbies in le Statos Unite, diceva que lo que le jornal de Falwell ha descripte como un bursa es in veritate le sacco magic de Tinky Winky. "Le facto que ille porta un sacco magic non le face gay," Steve Rice diceva. "Illo es un programma pro infantes, mi amicos. A pensar que nos insere insinuationes sexual in un programma de infantes es alquanto bizarre." Le programma brittanic, cuje scopo es parve infantes, comenciava disseminar se a stationes statosunitese de television durante le primavera previe e es ora tanto popular como Barney, un dinosauro cantante qui es tamben purpura in color. Le Teletubbies es jocate per actores in costumes de color brillante. Illes toto ha schermos de television super lor stomachos e, secundo le linea del conto, habita un superdomo concelate in le collinas. Altere que Tinky Winky, le truppa presenta in verde, Laa-Laa in orange, e Po in rubie. Le Teletubbies dansa, canta e da le un le altere le imbraciamentos, sub un sol radiante con le facie de un baby surridente. Rice diceva que Falwell attacca "...alque dulce e innocente" pro avantiar su proprie agenda politic conservative. "A revela como homosexual un Teletubby in un programma pro infantes de etate prescholar es alquanto triste de su parte. Io realmente lo trova como absurde e alquanto offensive," ille diceva. Le portavoce de Falwell, Laura Swickard, diceva que le fundator del hodie defuncte Majoritate Moral esseva de accordo con toto lo que es in le articulo in le NLJ e non facerea alcun commento altere que su annuncio de un paragrapho. In 1997, Falwell, urgeva General Motores, Chrysler e Johnson e Johnson a retraher lor auspicios de un episoda del comedia situational "Ellen" quando le character principal annunciava su homosexualitate. ============ Le supra esseva scripte in interlingua, le lingua pan-angloromance. Pro informationes super interlingua va a http://www.interlingua.com e http://www.interlingua.org -- Stanley A. Mulaik + seque