Servus* omnes, vos cognosce mi obcession con le temperaturas, ma isto non forsan es si estranie si on considera que le un die il ha + 7 grados Celsius e le altere (como hodie) - 17,8 justo nunc quando io scribe isto. Ma le meteorologos (le homines del temperie) dice que al proxime fin de septimana il habera nive e circum 0 grados. Nostre radio reporta que a Khanti-Mantinsk, satis proxime a Alapayevsk ubi habita Victor, il habeva - 55 grados Celsius. Locos como Naimakka e Karesuando in Svedia ha habite - 49 grados e in plure locos in Finlandia il ha habite - 51 grados (si mi memoria me servi ben). Io ha essite occupate de cosas practic e non ha essite tanto active in le discussiones. Io etiam continua le dictionario e le grammatic presentation de interlingua. Quando le cerebro es saturate de parolas interlingua io cambia al "grammatica" e quando le grammatica se ha supercargate in le cerebro io va al discussion theoretic in auxlang, le lista de linguas artificial. Io pensa que ille discussion, ben que illo es menate in anglese, un lingua que io non del toto maestra, tamen es multo interessante e educative, viste que io apprende un massa de anglese, vide qual argumentos pro interlingua vermente es bon, e le quales non es correcte. Un problema pote esser que multe personas scribe de cosas del quales illes non ha cognoscentia, sed in le intercambio de opiniones illes naturalmente - como io - apprende alcun cosa de tempore a tempore. * Si _ciao_ pote esser comprendite como un contraction de _*vostre servitor_ le expression _servus_ in le mesme function es satis international. Io lo ha audite in Polonia e Hungaria (szervusz), e il naturalmente ha su origine in le latino. Non sin causa nos in svedese etiam pote dicer _tjänare_ con le mesme signification, un ellipse de _servus humilis tuus_ (pardona eventual errores del grammatica latin, forsan io dormiva quando nos apprendeva iste parte del grammatica :-) ) - o melior in interlingua, tu servo humile. Con salutes frigide! Vostre servo [log in to unmask] Kjell Rehnstroem Vaenortsgatan 87 S-752 64 UPPSALA Svedia - Sweden