Car amicos de Interlingua, Venerdi le 15 de januario es le DIE DE INTERLINGUA. Illo esseva instituite per Thomas Breinstrup (es vos surprendite?) e ha le scopo de fixar un die special - le data del publication de Interlingua-English Dictionary in 1951, dunque le anniversario del "nascentia" de Interlingua - pro manifestationes public in tote le mundo pro facer cognoscite le existentia e le potential de servicio de Inter- lingua. In Svedia regrettabilemente le "celebration" usque nunc se ha limitate al distribution de nostre informativos e de placardes (in mi urbe annunciante le cursos planificate). Sed le 15 de januario es tamben le anniversario de un interlinguista que vos omnes cognosce: Nos non lo sapeva ante un anno quando Kjell Rehnstrom attingeva le etate de 60 annos, sed nostre Societate Svedese pro I-a, per iste message vole offerer le alcun rosas al occasion de su sexanta-prime anniversario! (Proque non? Que es u n anno in le vita de un philosopho?!) Kjell labora nunc con un scrutinio intense de mi dictionario Interlingua- svedese. Ille trova multe errores typographic e alteres, e sovente ille me posta messages plen de desperation a causa de inconsistentias de IALA... Io recognosce in isto mi reaction durante le elaboration. Nos spera que ille pote continuar in plen vigor su activitates de information in Internet e de inseniamento in le famose citate universitari de Uppsala, su domicilio! Nostre felicitationes! Cordialmente, Ingvar Ingvar Stenström, Vegagatan 12, S-432 36 Varberg, Svedia Tel. +46-/0/340-15053 <[log in to unmask]> <[log in to unmask]> <[log in to unmask]> <http://www.interlingua.com> ICQ UIN nr. 26993308