BURLAS

Era le typo al cinema, multo confortabile: le gambas sur le sedias avante, le
cubitos sur le sedias al latere, toto a voluntate. Alora, le gerente del cinema
arriva e le dice:
-- Qual conforto, eh, senior? Non volerea vos alcun arachidettos o un
whiskyetto?
-- No! Io vole un ambulantia. Io cadeva de la alto.
====================================
Il es nocte. Patre e filia es al sala. Le filia observa le aquario e le patre
specta television. Alora le patre questiona:
-- Filia, tu ha cambiate le aqua del pisces hodie?
-- No, pa'. Illos ancora non bibeva lo que io ha ponite la heri.
====================================
Duo typos in un camion incontra un signal: "PONTE -- altor maxime 2,5m".
Le camion habeva 3 metros de altor. Un reguarda al altere e dice:
-- Necuno nos observa, vamos passar.
====================================
In un viage de traino un vetulo viagiava sedite e ante se vadeva un copula de
inamoratos facente jochettos. Le garson premeva le naso del inamorata e
questionava:
-- Dole, amoretto?
-- Dole, si. -- respondeva illa.
Alora ille applicava un basio al naso del puera e questionava:
-- E ora?
-- Ora illo ha passate.
Passate alcun instantes ille premeva le gena del puera e questionava:
-- Dole?
-- Dole, si.
Alora ille applicava un basio sur le gena e questiona:
-- E ora?
-- Ja ha passate.
E illes continuava in ille vita usque quando le vetulo que iva ante illes, ja
fatigate de aquello, dice:
-- Audi la, oh bucchetta de angelo... Cura tu hemorrhoides?
====================================
Il habeva un individuo que habeva un agentia pro testar e recrutar talentos.
Subito, le secretaria annuncia le proxime candidato. Ille entra e le
discoperitor questiona:
-- Alora, que vos sape facer?
-- Io sape imitar aves.
-- Imitar aves?!?!?! Io es aqui plen de travalio e vos me veni dicer que vos
sape imitar aves?!?! Mitte vos ja al strata!
Le juvene, multo triste, face giro verso le fenestra e exi volante...
====================================
Il habeva un infante que deglutiva un ratto e alora le matre le apportava al
medico, e iste recommendava:
-- Un catto hora post hora.
-- E si illo non functionara, senior doctor?
-- Da le un suppositorio de caseo.
====================================
Al catechese, diceva le prestre:
-- Como vos sape, nostre prime patre ha essite Adam e nostre prime matre ha
essite Eva...
Alora, un del infantes interrumpe:
-- Non es ver.
-- Como, non es ver? -- questiona le prestre aliquanto abhorrite.
-- Mi patre dice que nos descende del simia!
-- Oh, mi infante, vostre problemas familiar non me interessa...
====================================
Un juvene era a un ballo e ille era inamorate de un femina plus vetule que ille.
Quando le banda comenciava sonar, le femina entra in le salon e le adolescente,
cec de passion, va incontrar le femina amate:
-- Da me vos le placer de iste dansa?
-- Io non dansa con infantes!
-- Excusa me, io non sapeva que tu era pregnante.
====================================
In un lunedi un individuo ambulava multo triste, quando appare un amico:
-- Alora, que occurreva?
-- Io avisava Joachim que le populo de iste terra es multo religiose.
-- Io lo sape, io es aqui ja per vinti annos. Mais como isto affecta Joachim?
-- Heri ille saltava a paracaditas e moriva.
-- Le paracaditas non aperiva?
-- Exactemente. Malgrado esser aqui per pauc tempore, ille ja deberea saper que
nihil aperi in le dominicas...
====================================
Un jornalista vadeva facer un reportage in un asylo de vetulos e questiona al un
vetulo que era sedite:
-- A que se debe vostre etate tanto avantiate?
-- Methodo, mi filio... Io sempre habeva un hora certe pro cubar me e pro levar
me. Nostre organismo es un machina que necessita de methodo e horario.
Le jornalista incontrava altere e le faceva le mesme question, al qual le vetulo
responde:
-- Io sempre evitava le feminas, mi juvene!
In sequentia ille questiona a altere:
-- Io nunquam fumava, nunquam bibeva, ni habeva vitios de qualcunque specie.
In sequentia le jornalista discoperi le plus vetule, le plus devastate, le plus
arrugate de totes e, multo admirate, questiona:
-- Alora, e vos, a que debe tal longevitate? Nunquam habeva vitios, festas o
feminas?
-- Mais que! Io nunquam habeva horario pro qualcosa, multe festas, bibitas, io
fumava tres pacchettos de cigaretta per die, joco, feminas con fortia, noctes e
noctes sin dormir, e sape Deo que plus.
-- Alora, e quante annos habe vos?
-- Trenta-duo.
====================================
Duo homines va piscar in aquas norvegian e al medio del nocte illes naufraga, ma
in vice de affundar illes se vide con aqua al nivello del cinctura. Solmente al
alba illes nota que illes es super un iceberg, mais illes es lontan del terra e
il non ha sperantia de salvation. Alcun dies se passa e illes ja era
completemente desperate quando un de illes vide fumo al fundo del horizonte e
multo contente crita al amico:
-- Nos es salve! La veni le "Titanic"!
====================================
Un typo al altere:
-- Io ganiava un horologio in un cursa.
-- Contra qui?
-- Le possessor e tres policieros.
====================================
In un pais socialista, que necessitava de mano-de-obra, ha essite decretate un
lege que obligava tote le copulas, in un spatio de cinque annos de matrimonio, a
haber al minimo cinque filios. Si in iste spatio de tempore le copula non
succederea haber alcun filio, le governamento distaccarea un "agente" pro
auxiliar le copula. Assi, nos presentia le sequente dialogo inter le copula:
-- Caro, hodie nos completa cinque annos de matrimonio.
-- Si, infelicemente nos non habeva alcun filio.
-- Esque illes inviara le agente?
-- Io non sape...
-- E si ille venira?
-- Ben, io lava mi manos.
E in sequentia ille exi al travalio.
Tosto post le exito del marito, on batte al porta. Le femina aperi e incontra un
homine. Era un photographo qui habeva battite al porta incorrecte.
-- Bon die, io es...
-- Pote entrar, io ja sape...
-- Es vostre marito in casa?
-- No, ja vadeva travaliar.
-- Io suppone que ille es sciente.
-- Si, ille es, e de accordo.
-- Optimo, alora vamos comenciar.
-- Ja? Assi tanto rapido?
-- Si, io debe visitar sex copulas ancora hodie.
-- Uh, e vos resiste?
-- Claro que si, io es preparate, e isto me da multo placer.
-- Alora, como nos facera?
-- Permitte me suggerer, un al camera de dormir, duo al tapete, tres al sofa, un
al corridor e un ultime al sala de banio.
-- Putz!!! Non es troppo?
-- Mi seniora, non mesmo le melior artista de mi profession se satisface al
prime tentativa.
-- Vos ja ha visitate alcun casa de iste districto?
-- Non, ma io ha apportate alcun monstras de mi travalio.
Ille monstra a illa alcun photos de bebés.
-- Ha essite vos mesme qui faceva?
-- Si, vide iste aqui, ha essite facite al porta de un supermercato.
-- Puah! Illo non vos pare aliquanto public?
-- Si, mais le matre era artista de cinema e voleva publicitate...
-- Io non haberea tante corage.
-- Iste ha essite super un traino.
-- Qual horror!
-- Ha essite un del servicios plus dur que io ha faceva...
-- Io lo imagina!
-- Vide iste, ha essite facite in un parco de diversiones in plen hiberno.
-- Credo! Como pote?
-- Non ha essite facile, non bastava le neve cadente, il habeva ancora un
multitude de gente circa nos. Si non habeva essite le adjuta del policieros pro
tirar le gente de super nos, io non haberea succedite finir. Ben, vamos al
travalio. Vos per favor adjuta me a montar mi apparato sur le tripede?
-- Como?!?!
-- Si, il es necesse, pois illo es enorme. Quando preste, illo mesura un metro.
Le femina syncopava.
--
   ENSJO : EMERSON JOSÉ SILVEIRA DA COSTA
Homepage : http://www.nautilus.com.br/~ensjo/
 UIN ICQ : 713833

INTERLINGUA - lingua auxiliar international
    Info : http://www.interlingua.com/europa/queesinterlingua.html
  Brasil : http://www.nautilus.com.br/~ensjo/ubi/