{Aquesto es pro Ensjo e le Tribuna} IL DEBE HABER NECUN CULPABILITATE COLLECTIVE IN BOSNIA - HERZEGOVINA In un discurso le 1me de decembre al Committee de Affaires Estranier, Sr. Carlos Westendorp, le Alte Representante pro Bosnia-Herzegovina, esseva multo clar in particular super duo punctos: le necessitate de non attribuer culpabilitate collective al population integre e le aspiration de Bosnia - Herzegovina a junger le UE a un dato in le futuro. Ille diceva que le idea de culpabilitate collective debe esser rejecte, proque le responsabilitate pro lo que occurreva reside in individuos specific. Mais in tanto que aqueste individuos non es judicate, le idea de responsabilitate collective remanerea un obstaculo al pace. Le judicamento del responsabiles esseva consequentemente non solmente un imperative moral - basate super le idea que necun crimine pote remaner impunite - illo esseva equalmente importante politicamente a render capace le progresso verso un pace indurante. Tal judicamentos certemente provocara reactiones, mais aquello non pote constituer un excusa pro le inaction. Bosnia-Herzegovina, diceva Sr. Westendorp, esseva un pais que certemente jungerea se al UE in le futuro. Le camino esserea longe, mais le via debe esser lineate con indicatores del via e protecte. Le prime passo esserea possibilemente a junger le Consilio de Europa, mais varie problemas, politic e economic, debe esser resolvite in avantia. Super le plano politic, le retorno del refugiatos esseva le problema le plus urgente. Le problema esseva specialmente acute pro aquelles qui debeva retornar a zonas ubi illes constitueva un minoritate ethnic. Al presente, le objectivo de 50.000 retornatos non habeva essite attingite proque lor securitate non esseva guarantite. Aquesto pote esser attingite solmente si varie reformas esseva effectuate, tal como le independentia e le professionalization del systema de justitia, le creation de fortias de policia interethnic, e un diminuition graduate del largessa del fortias armate. Hodie il habeva duo si non tres armeas in Bosnia-Herzegovina, que absorbe alcun 40 pro cento del budgeto - alque que esseva absurdo in un pais que essayava de reconstruer se. Le systema partitari equalmente requireva un reformation. Al presente, multe partitos es basate super un base essentialmente ethnic e lor leaders es ultranationalistas. Il esseva indispensabile que aquesto debe evolver tal que divisiones ethnic es reimplaciate per divisiones ideologic, como esseva le caso in tote le paises democratic. Sr. Westendorp credeva que le Parlamento Europee poterea jocar un rolo importante in adjutar le effectuation de aqueste cambios. Super le plano economic, Bosnia hodie esseva un recipiente major de adjuta, que non pote durar eternalmente. Il esseva necesse pro illo a passar de reciper le adjuta a reciper le prestos. Aquesto requirerea reformas tal como le privatization (super un base transparente, nondiscriminatori), mesuras a combattar le fraude de taxas (alcun 80 % del receptos escappa le budgeto) e reforma del systemas financial e bancari. Sr. Westendorp accentuava le progresso que jam ha essite attingite, partemente gratias al presentia del communitate international. Nonobstante, ille diceva, le proxime duo annos esserea decisive. Le periodo de transition finirea aqueste anno e alora lo que on pote appellar le periodo de "consolidation democratic" commenciarea, durante que le lucta inter le formas extreme del nationalismo esserea un problema major. In concluder le reunion, Tom SPENCER, le presidente del committee, insisteva que Bosnia-Herzegovina eventualmente devenira un membro del Union Europee. Aquesto possibilemente es solmente un objectivo del termino longe, ille admitteva, mais illo esseva importante a retener aquesto in nostre mentes si il haberea alcun sperantia de cambiar nostre attitudine e le lore in le termino curte. Traducite per Stanley Mulaik de News Report del Parlamento Europee, 02.12.98. (In interlingua). (Pro informationes super interlingua, visita www.interlingua.com).