c) SPIELBERG (e II)

Quando Spielberg prendeva in "E.T." le via del cine multo comercial e troppo sentimental (in espaniol se dice ‘sensiblero’) io perdeva mi interesse. Logic. Io jam non era un adolescente e prefereva le cine europee e le filmes independente que veniva ab le Statos Unite. Assi, io non videva "Le imperio del sol" quando illo era projectate le prime vice (postea io videva lo in TV -un mal loco pro vider cine- e illo me pareva un film multo acceptabile). Alicun altere filmes me semblava bastante divertente, sed banal. 

Usque ille faceva "Le lista de Schindler". ‘Oh, oh, isto es un altere cosa’, pensava io, ‘iste typo es multo intelligente. Ille face cine ‘sensiblero’ o plagate de dinosauros e postea, quando ille ipse non sape quanto pecunia ille habe, ille filma... isto!’. "Le lista" me placeva multo, malgrado su tics propagandistic e su dudose historicitate.

(Un anecdota: perque le film esseva filmate per Spielberg, illo attingeva un grande successo in Espania. Ma, esque totes lo comprehendeva? Oh, no! Alicun personas rideva quando judeos vetule, corpulente e terrificate appareva nude in le captivitate nazi. Antisemitismo? No, simple stupiditate.)

(ISTO CONTINUARA)

Ignacio.