Io ha essite alquanto reluctante a commentar super le question del stato de discussion super INTERLNG proque in un certe senso io sentiva alquanto le objecto de illos, proque io ama le discussiones grammatic e etymologic, proque io opina que il es un parte de comprehender le natura de interlingua, de que tote interlinguaphonos debe haber alcun comprehension. Mais io non senti culpabile pro aquesto proque io sovente respondeva a alteros in le gruppo qui leva le questiones. Multe questiones pertine a parolas que non es ancora in nostre dictionarios, o solmente in dictionarios minus disponibile, e nos debe prosequer le processo de determinar un solution interlinguan pro illos, un processo que tote usatores de interlingua debe comprehender, mesmo si illes non semper ha le fontes de informationes pro attinger tal solutiones per illes mesme, ben que in le gruppo il ha un collection de tal informationes pro trovar le solution. Quanto a un lista distincte pro discussiones etymologic, io esserea felice de usar tal, si il habeva bastante alteros a participar e il esseva disponibile a me per mi servitor del interrete. Mais io opina que il es importante a facer novicios cognoscente del rationamento etymologic de interlingua, proque illo es un parte de su essentia. Io non esseva cognoscente de novicios veniente a interlng alora partiente de illo proque del natura del discussiones. In multe respectos quandocunque tal personas ha arrivate, io ha benvenite les. Mais illes debe annunciar lor presentia, si io es a accognoscer les. Io es preste de discuter qualcunque topicos in un maniera civile, e io crede que nos lo ha facite aqui. Isto es un melior gruppo que alteros io ha cognoscite. Nos es bon amicos, cata un con vitas e opiniones differente, mais tolerante. Stan Mulaik