Hollanda - J. Stam: "Nos habe le medios de exercer pression super Brasil" 06.07.98 09h20 CET Commentos facite al Hotel Vista Palace a Roquebrune (Proximo a Monaco) Jaap STAM (3) "Ronaldo (9) es un jocator multo rapide, qui se move multo e es difficile de marcar. Le Cuppa del Mundo non ha essite como il le placerea usque ora, perque ille haberea volite facer plus goals. Ille era frequentemente marcate per varie defensores, alora il ha essite difficile pro ille jocar su proprie joco. HOLLANDA non dedicara duo defensores a RONALDO. Illes jocara su joco como usual, sin esser affectate per le opponentes. Comparate a RONALDO, Gabriel BATISTUTA (9) se moveva multo minus. Ille attende lanceamentos, durante que RONALDO participa plus del action. In le Cuppa del Mundo de 1994 al SUA, nos perdeva contra BRASIL 3-2 in le quarta-de-final. Illo era un defaita dolorose, perque nos habeva obtenite paritate post haber essite detra in 2-0. Le tertie goal BRASILIAN doleva multissime, ma le martedi, 7 de julio, il essera nostre opportunitate pro le vindicantia. Usque ora, BRASIL non ha jocate partitas phantastic in iste Cuppa del Mundo. Illes mesmo perdeva un joco contra NORVEGIA. Illes ja jocate contra equipas relativemente defensive. Nos habe le medios pro exercer pression super illes con nostre joco offensive, e assi, privar les del bolla." Patrick KLUIVERT (9): "Io es multo satisfacte con mi performance contra ARGENTINA. Io spera jocar desde le initio del proxime partitas. Como io non jocava in le tres partitas anterior, io era physicamente in optime forma. Me place jocar con Dennis BERGKAMP (8), perque ille es bon in trovar le lacunas in le defensa del opponente, e ille sape ubi io vole que ille pone le bolla. Il ha pauc jocatores qui habe iste qualitate. Con Georges WEAH, Dennis BERGKAMP es de facto un del melior jocatores con qui io ha jammais jocate. Iste anno, io ha apprendite multo per certe deceptiones, que me faceva travaliar plus duro in le trainos e me dava plus fortia de character. Al etate de 22, io pensa que il ha ancora multe spatio pro melioramentos. Sin real punctos debile in le defensa brasilian, nos debera mantener nostre oculos aperte e profitar del minime error de lor parte." Wim JONK (6): "BRASIL es tamben un excellente equipa in le nivello defensive. Illes es un equipa qui face al minus un goal per partita. Desde multo retro, illes ha habite un sistema de joco multo successose. DUNGA (8) es un jocator multo importante qui es le armator de jocatas del equipa. Io es in optime forma e io vole facer un bon partita contra BRASIL. Evidentemente, le absentia de Arthur NUMAN (5) e Winston BOGARDE (15) constitue un certe difficultate pro le equipa de HOLLANDA." Traducite per Ensjo. http://www.france98.com/english/news/ma070507.htm ______________________________________________________ Get Your Private, Free Email at http://www.hotmail.com