Iste dominica passate io e mi sposa ha vistate le casa del patre affin de mi filio pro celebrar le convenir del familia de su sposa. Le patre affin ha un affaire de manear le proprietate real. In particular ille es responsabile pro un complexo de apartamentos locative. De facto ante que mi filio Roberto le marita a su filia, Lori, ille e Lori ha habitate un de iste apartamentos. Alora Roberto ha venite a remaner a lor casa per dormir super le sofa, e finalmente, ille e Lori ha maritate se, e le patre de Lori ha movite a un nove casa que ille ha constructe ille mesme presso le urbo de Canton. Lori e mi Roberto habitava ille apartamento usque 18 menses ante hodie, quando illes ha comprate un nove casa presso Canton, Georgia tanto ben. Intertanto mi filio Roberto ha establite un affaire de tonder le gazones, e un de su clientes esseva lor previe complexo de apartamentos. Il ha circa 40 apartamentos in iste complexo. Il ha un similar complexo de apartamentos presso isto, le proprietaria de que es un cliente de mi filio Roberto tanto ben. Ben, le tornado que assaltava Atlanta iste septimana passate ha assaltava iste duo complexos de apartamentos (e multe altere locos tanto ben). Roberto e su patre affin ha visitate le apartamentos le die post le tornado veniva. Quasi tote le apartamentos es damanate, alcunos severemente. Al apartamento que Roberto e Lori ha habitate esseva le secunde de un serie de 4 apartamentos in le mesme edificio. Cata un habeva duo nivellos. Le casa a dormir esseva al secunde nivello. Ben le apartamentos al fin del edificio habeva lor tectos destruite e le muros ponite introversivemente. Un grande arbo de pino cadeva per le tecto a in le camera de dormir. De facto quasi tote le arbos in le complexo ha essite rumpite a un alte de circa 3.5 metros e le restos de illos habeva cadite super le casas e in le jardines circa le casas. Il pare como si illes ha essite bombate. Le arbos ha facite multo del destruction quando le vento del tornado ha sufflava los a in le casas. Atlanta es como un citate in un foresta. Mais in iste loco il es similar al apparentia de un foresta denudite per un foco de foresta. Il ha le truncos de arbos stante sin brancas o ramos. E le terra es como terra aperte, como pro le terreno de cultivar. Mais il ha un differentia inter le terra post un foco de foresta e le terra post un tornado. Le terra post un foco de foresta es nigre. Le terra post un tornado non es nigre. Il ancora ha le folios verde, si illes remane. Le grande problema del proprietarios es que a facer con le arbos cadite? Il ha circa 1000 in iste complexo de apartamentos. Le costo usual pro remover un arbo cadite pote esser inter $300 - $1000 pro cata un. Si il ha 1000 tal arbos, le costo de remover los pote esser prohibitive. Le assecurantia va pagar pro remover un arbo cadite si illo ha cadite super le casa o un automobile, mais non si illo cadeva super le terra. Isto es le problema que le patre affin de mi filio se tracta. Ille non sape un solution simple. E le patre affin de mi filio ha un altere problema. Como a adjutar le gentes que habitava le apartamentos a trovar nove locos locative. Del 40 apartmentos, 32 esseva destruite e lor familias debe partir. Mi filio Roberto possibilemente va perder le commercio con iste complexo de apartamentos, al minus usque illo ha renovate se. Stan Mulaik