Salutes a totes! ["Moose" es "alce". ;^)] Io reside in un citate appellate Belém (le nomine in portugese del citate ubi Jesus nasceva), stato de Pará, in le region nord de Brasil. (Reguarda un mappa: justo ubi le grande fluvio Amazonas incontra le oceano Atlantic.) Belém habe plus que un million e medie de habitantes. Differentemente del casas de Sigmund e Stan, mi casa habe un unic etage. Illo non es grande. La vive mi matre, io, mi soror e un cosino qui veniva ab un citate del interior pro studiar pro le examine de admission al universitate. Mi casa se situa in un "conjuncto residential". Isto es un collection de casas construite insimul, e totes con le mesme aspecto. Mi "conjuncto", nominate Panorama XXI, es aliquanto antique, ergo hodie le casas ha essite multo modificate per lor successive proprietarios. Le casas es organizate in "quadras". Le quadras del Panorama XXI es componite per casas "collate" le unes al alteres, isto es, duo casas adjacente habe un pariete commun. Il ha generalmente trenta-un casas in iste sequentia, e le fronte del casas de numero par confronta un strata, durante que le casas impare contronta le altere. Ecce un mappa. (Obvimente tu necessitara seliger un fonte de largor fixe in tu programma de e-mail pro visualizar lo.) (strata) +-^-+---+-^-+---+-- --+-^-+ | 1 | 2 | 3 | 4 | ... | 31| +---+-v-+---+-v-+-- --+---+ (strata) +------------------ ------+ | (altere quadra) ... | Mi casa es le numero 14 del quadra 26. Panorama XXI habe trenta-sex quadras. Il ha un strata principal central que los separa in duo gruppos de dece-octo. Le quadras es perpendicular al strata principal. Le numeration del quadras comencia in le parte posterior del conjunto, in le latere dextre (quadra 1), e veni usque le fronte del conjunto (quadra 18). Alora, al sinistra, le numeros comencia in le fronte (quadra 19) e vade usque le parte posterior del conjunto (quadra 36). Le casa 1 de cata quadra es le casa plus proxime al strata principal. Le quadras central (como le mie) habe minus casas (29), pro liberar spatio pro un area commercial: duo lineas de botecas in ambe lateres del strata principal. Il ha macellerias, paneteria, specierias, mini-mercatos, video-joco ("shinkuu hadou ken!"), etc. Ecce un mappa de Panorama. Le "X" indica le localization de mi casa. +--------------------+ 36 >| ======== ======== |< quadra 1 35 >| ======== ======== |< quadra 2 | : : | 29 >| ======== ======== |< 8 28 >| ====== ====== |< 9 27 >| ====== a c ====== |< 10 26 >| ==X=== r o eccles | | schola e m ====== |< 11 25 >| ====== a m ====== |< 12 24 >| ====== ====== |< 13 23 >| ======== ======== |< 14 | : : | 20 >| ======== ======== |< 17 19 >| ======== ======== |< 18 ----+ -------- -------- +---- ------------rodovia----------- ------------------------------ Panorama XXI se situa al peripheria de Belém, quasi in le municipalitate de Ananindeua. De facto, on non percipe plus un delimitation inter le duo municipalitates, illos cresceva e se tangeva, e insimul con Marituba, illos compone lo que nos appella le area metropolitan de Belém. Io transversa le rodovia tote die pro prender le autobus pro ir al travalio, justo in le area central de Belém. Le viage demora normalmente 45 minutas, ma il pote haber un variation de plus o minus 15 minutas, dependente del situation del traffico o del haste del guidator. -- ENSJO*: EMERSON JOSÉ SILVEIRA DA COSTA E-mail : [log in to unmask] [<Ř>] Brasil! Homepage : http://www.nautilus.com.br/~ensjo/ Telephono: (091) 231-5740 // +55 91 231 5740 UIN ICQ : 713833 [* "sj" pronunciate "sh"] INTERLINGUA - lingua auxiliar international Info : http://www.interlingua.com Grammar : http://www.nautilus.com.br/~ensjo/interlingua/english.html