[log in to unmask] [log in to unmask] http://adam.cheshire.net/~jjbowks/home.html ~~~~~~~~~~~~~~~~~~~~~~~~~~~~~~~~~~~~~~~~~~~ -----Original Message----- From: Greg Kondrak <[log in to unmask]> Subject: Re: libro de Gopsill >Jay Bowks wrote: >> >> Que pensa vos? Le libro del senior Gopsill "International >> Languages" es phenomenal in iste respecto, definitivemente [...] Greg scribeva... > >Le parte del libro que me especialmente placeva es le historia de >Interlingua, e le discussion de varie variantes schematic e natural >que IALA considerava. Non omne propositiones initial de Gode era >adoptate, ma mi conclusion private post leger le capitulo es que >quasi omne decisiones final era correcte. Le producto del labores de >25 annos es un lingua belle e flexible. > >Greg > Car Greg, Io alsi pensa que le parte re le historia del developpamento de interlingua esseva un del melior partes del libro e illo es lo que io volava mentionar que esseva le grande merito del libro. Io alsi pensa que haber le historia del altere protagonistas del linguas auxiliar al tornos del seculo e ante del evenimento del IED es multo avantagiose. Pro que? Proque le historia del linguas auxiliar es un processo que finalisa con le adaptation de un vocabulario international in le forma actual del bel lingua international de IALA. Io alsi pensa como te que interlingua ha multo meritos pro esser le melior lingua disponibile pro le communication de personas de altere linguas matre e del personas sin un lingua ponte in commun. Le interlingua es un ponte ben fundate e con large e extense base. Re le abuso del Esperanto in le libro de Gopsill io pensa que ille ha multe ration in re su critica mais io sape que alcun personas trova lo un pauc multo insultante, como le senior Rik Dalton del fama in Compuserve, ille e io discuteva pro multe tempore super iste question. Il costava me multe moneta le connexion a compuserve que esseva a longe distantia... Uff! Mais nunc le situation del compuserve non me pare tanto importante e defender interlingua in ille foro io senti es un perdita de tempore. Le FLEFO de compuserve non es tanto grande como le Interrete, nonne? Il ha bastante altere travalio pro accomplir in le Tela e in le foros de Notitias. Io crede in mi corde que il ha bastante spatio in le interrete pro ambe linguas, le Eo le Ia e alsi alteres, Ido, Novial, Loglan, Lojban, Klingon etc. E plus le linguas natural, eh? Le interrete es immense, e illo procede a devenir plus e plus grande. Le "challenge" e le opportunitate nunc es facer interlingua attractive al personas que passa pro le camminos electronic. Le travalio es adornar le lingua bel con le technologia. Le problema non es haber que dar lumine al aspectos horribile del altere optiones interlinguistic. Tu es de accordo con me? Le interlingua es bel e attractive in se ipse, nos non necessita tanto facer un puncto aggressive contra le Esperanto pro comparar le duo--le senior Zamenhof habeva bastante merito como pionero del linguas auxiliari que nos pote haber respecto pro su ideas, le mesme si nos considera los un pauc in error. Alsi... io ha multe respecto pro le senior Gopsill e admira su dedication e devotion a interlingua, e pro su sapientia linguistic. Amicalmente, Jay B.