Salute Omnes! Hodie ego recipeva tres numeros de lo que ego plus tosto appellarea un littera de notitias. La autor es Viktor Tchernavskiy, que le visitatores a Strassbourg le certe incontrava. Ille produce su littera de notitias integremente in interlingua pro - como ille dice - rationes practic; ille etiam publica un version electronic ma un version usante ambe linguas - interlingua e russo - non es si facile per le computatores. Victor narra como ille legeva un articulo de Peter Gravers Nielsen in "Novoye Vremya" concernente Interlingua. Ille captava interesse in le cosa, contactava P G Nielsen e recipeva material in re interlingua. Per posta gastropodic vos le attinge per le sequente adresse: Victor Tchernavski P.O.Box 85 Alapayevsk Sverdlovkaya oblast' - 624630 Russia In iste caso vos certo recipera su lettera de novas que vos pote reciprocar per un coupon de responsa international del typo que le Union mundial de posta produce. Ego spera que vos essera plus inspirate per iste parve communication que de illos del typo sequente: Gania 50.000 dollares del Statos Unite per septimana sin vermente laborar. Tu pote facer iste activitate a casa e il non es necesse ulle investitiones in capitales. Le autor de ille littera poteva le anno passate inviar 500.000 dollares a un conto bancari in Anglaterra. Et plus in plus at infinitum ad nauseam. Como ben sapite illos es in le majoritate del casos scripte in anglese, sed viste que ille lingua non es illo de iste lista.... Pardona le digression! Memora que le posta gastropodic ancora vive. Delecta vos de informationes interessante de un parte del mundo del qual on solo scribe in nostre medios si il occurre grande catastrofes. Ergo delecta vos del novas del taigas hibernal! In interlingua! Gastropodicamente Kjell