Excellente traduction a in anglese de mi essayo in interlingua. Io debe confessar un error de mi parte. Le parola io usava "amo" debe esser "amor". "Le amor inter duo individuos es como un viage". Quando io immergeva me in somno, io usava le metaphor IN, como si illo es le aqua a in io me submerge... E "conscientia" = "consciousness" non le guarda del moral. In anglese le titulo del libro per Julian Jaynes es "The origin of consciousness in the breakdown of the bicameral mind". Isto es un libro fascinante. Su these es que nostre conception de nostre egos, como essentes mental con intentiones e motivos, con mentes IN que nos imagina nos e alteros, pro planar, mentes consciente, es alquanto recente, historicamente originante circa 1200 b.c. Ante isto homines (e feminas) usava le direction de lor deos a diriger les, recipite per voces audite, per hallucinationes. Rememora quando Agamemnon (io crede) prendeva le femina de Achilles a dar la a un altere homine, Achilles pone su mano super su spado e esseva preste a attacar su rege. Mais subitemente Athena pareva a ille in un vision a su latere, e diceva a ille que isto ille non debe facer, consolante ille. Es iste historia per Homero usante le dea de Athena como un expression poetic? O esque realmente homines del etate de Achilles audiva le voces e habeva le visiones de lor deos in evenimentos de alte anxietate, o quando habitualmente illes pregava a lor deos al altares in lor casas pro reciper direction del die, o quando lor rege pregava pro illes al altar central del templo del citate a lor deo o dea? Isto Jaynes crede esseva le homine de antiquitate. Un homine qui videva le mundo circa ille, mais non ille mesme. Pro planar isto requireva le pensata de un deo, qui alora dirigeva le o la. Le pensata, generalmente, es automatic e non consciente. Mais le voce del deo o dea non es in le mundo mais in su cerebro, in le latere derecte de su cerbro. Isto es le base pro dicer que le homine de antiquitate habeva un mente bicameral. Le collapse del civilisationes bicameral resultava del dislocationes del guerra, de grande catastrophes (como le eruption del volcano Thera), e le crescimento del excambios de benes inter populos de differente civilisationes, que faceva populos consciente de altere systemas de deos que lore, le necessitate a celar le voces del deos a populos estranie pro tractar les commericalmente, creava un populo deceptive, autoconsciente, requirente nove conceptiones de lor egos e mentes. Il es interessante que in contrasto con le historia de Achilles, le historia de un homine bicameral, un homine directe e sin deception, le Odyssea creava un nove hero, le homine deceptive, autoconsciente, qui poteva concelar su ver motivos a alteres. Jaynes argueva que le Odyssea inseniava le juventutes de Grecia in le nove conscientia, in que le deos e deas non plus esseva audite per le homine quotidien, necessitante le intermedios pro divinar le voluntate del deos. Stan Mulaik