Il se appella mentitas de vita quando un persona narra que ille vive un totalmente altere vita o que ille es un totalmente altere persona. Non es sufficiente que ille persona dice que ille es sposate e isto non es le veritate, o que ille dice que ille es le felice possesor de un cans sed que ille in le realitate possede un catto. Non de toto. Un mentita de vita (o forsan mentita de vivir) occurre quando un persona se crea un totalmente altere imagine de qui ille es e de su vita. Il ha etiam in Svedia tal programmas televisive ubi personas confessa a tote le nation que illes es humanos multo mal. O que illes era le victima de homines multo cruel. Un del plus interessante historias de iste tipo era un femina qui narrava de su marito: Ille viro diceva que ille proveni de un familia multo exquisite, forsan aristocratic. Ille diceva que su marita (sposa) non era sufficientemente bon pro visitar su parentes de ille. Ille sempre criticava su sposa e diceva que "in mi familia on non del toto se comporta in iste maniera." Postea, cando le marito moriva, su sorror contactava le sposa (marita, uxor) e se monstrava que ille soror es un humana multo agradabile. Illa diceva que su fratre nunquam habeva parlate de su marita e habeva trovate hecatombos de causas pro non presentar su sposa al resto del familia. Ille cosa se explicava post decennios! Al altere latere io pote ben imaginar que in certe situationes un mentita de vita pote esser un protection "legitime". Bon appetito! Kjell