Cata pais ha personas qui functiona como monumentos national, e ego non in iste casa pensa de celebritates como le defuncte Lady Diana, sed in tal caso plus tosto re Sir Laurence Olivier, le famose actor. In Svedia nos ha le scriptrice Astrid Lindgren, le matre de Pippi Calceoslonge. (In svedese: Pippi Laangstrump (aa = a˚). In le majoritate de linguas civilisate iste nomine es un disastre. Assi on la apelava Bilbi in neohebraico e in un version espaniol ego videva Pippa (lo que es un obscenitate in svedese - un del 235 sinimos pro le verbo de copulation!). Pro me le nomine evelia le association con un ave. Avettos se apela "pippi" in lingua infantil. Forsan le nomine es un diminutivo de Kristina o Birgitta. (Ego ha poco evidentia pro suportar iste teoria). Pippi es le puella qui face lo que ila vole. Ila es si forte que ila es capabile levar un cavalo, e ila pote superar cata policiero in le mundo. Ila habita sol in un casa que se appella Villa Vallocollina (mi iguanification de Villa Villekulla). Pippi es le puela qui - como dicite - face lo que ila vole. Ila dormi, pedes sur le cosina, in su lecto e in le casa illa ha un cavalo "Seniculus" (Lilla Gubben - personas in cata etate pote esser un _gubbe_ "senice - senex). Ila ha etiam un simia, apelate Senior Nilsson. Astrid Lindgren scribeva plure libros in re Pippi, sur le base del qual il ha al minus 3 films svedese e un (international, in version anglese) que habeva su premiera recentemente. Ila scribeva etiam un serie de libros in re le Infantes del vilage Ruitoso (Barnen i Bullerbyn). In ile libros, e plure altere, se describe infantes e adultos in un vilage rural in le initio de nostre seculo. Ile libros certo ha formate le imagine del vita traditional in le mente del majoritate del infantes svedese. Hieri Astrid Lindgren celebrava su aniversario de 90 annos. Medios a essite plen de Astrid Lindgren e le figuras de su libros. On tenta oblidar que quando le prime libro de Pippi era publicate, ilo era incontrate con repulsion de certe quartieras. Le heroina del libro era simplemente troppo revolutionari e poterea esser un periculo al generation crescente. Russia es un pais ubi le obras de Astrid Lindgren es multo popular. Plus popular ibi sembla ante toto esser le figura Karlsson sur le tecto, un senior con un helice al dorso, tal que ile pote volar como un helicoptero. A mi aviso Astrid Lindgren concludeva su cariera per le grandiose Ronja, Filia de un raptor (pronuncia ronya (le prime silaba accentuate - le original svedese sona como si ilo era un nomine). Astrid Lindgren habeva etiam successos in le politica. Ila scribeva le fabula Le Maga Mangia-toto in le pais de Monismania, in le qual ila atacava le leges de taxation in Svedia. Era assi que illa debeva placer 102 pro centos de taxas pro su invenitos. Le in ile tempores ministro de finantias, Gunnar Straeng pensava que ile potera jocar del cosa i parlar del artista qui non sape alque in re financias, sed ile debeva capitular e - si mi memoria me servi ben - rectificar le inadvertentias. In le octantas ila era le inspirator de un lege al protection del animales, lo que on apela "Lex Lindgren". Coram su aniversario in iste ano ila rogava que on reprende iste lege, viste que ilo non es sequite. Le plus grande impression a me faceva su libro Mio, mi Mio, que es un narration de vita e del vita trans le morte. Iste libro exprime ideas que certo es multo profunde jacente in le population svedese. Un simile libro pare a me esser le Fratres Corde de Leon. Le historias in ille libros pare a me esser assi simile que ego non pote discerner lo que aparteni al prime o al secunde. Le libros de Astrid Lindgren ha essite traducite in 76 linguas. In Sanct Peterburg on plana un plen edition de omne su obras in traduction russe. Isto es le prime presentation de Astrid Lindgren in le mundo redigite in le ortografia simplificate secundo le directiones in le paragrapho 15 del Interlingua grammar de Gode e Blair. :-) Amicalmente