Le alces es animales formidibile. Io ha audite que on debe esser caute in le vicinitate de un alce, que illes es facilemente irate e va attaccar vos. Mi patre reconta un conto quando ille e mi matre, post su retiro, esseva in campo in lor camionetto in le Montanias Rocky, e un alce approchava lor sito. Illes retirava se a in le camionetto, mais le alce attaccava le camionetto, stante super su gambas posterior e frappante le parabrisa con su gambas anterior. Mi patre diceva que ille esseva timorose que illo va rumper le parabrisa. Mais ille ha prendite un pistola de aqua con que juvenes joca inle estate, e ha plenite lo con le alcohol. Ille abassava le fenestra proxime al volante e usava le pistola de aqua a tirar le alcohol al alce. Isto terrificava le alce, qui partiva rapidemente. E proque mi patre prendeva un pistola de aqua in le foreste? Pro proteger se contra le ursos. Si, contra le ursos. Ille habeva un bon amico qui vadeva in le forestes de Minnesota con su sposa, viagiante per canoa. Ille discoperiva que per usar un pistola de aqua, plenite con alcohol, que isto terrifica le ursos. A punctar un pistola parve a un urso non es un action que le urso interpreta como hostile. Mais quando un fluide con un odor estranie es tirate a un urso, ille o illa pensa que isto es estranie, e possibilemente similar a un mofetta, e le urso parti rapidemente. Stan Mulaik