Kjell et al. Vostre description de futbolla american como duo greges attaccante le un le altere es bon! Le joco es plen de commenciar e stoppar. Le objecto de un equipa es a mover le bolla passate le linea del goal del altere equipa. Isto es un "touchdown". Illo gania 6 punctos. On anque pote obtenir le punctos per le puncto post le touchdown per colpar con le pede le bolla inter le palos del goal, mais supra le barra horizonte inter le palos. Le bolla es passate al quarterback de un linea designate presso le linea del goal, e ille tene le bolla in position pro le colpator de colpar lo. Un similar movimento in le joco es le "field goal" (goal del campo), ubi a circa 30-40 metros del palos del goal un similar action de colpar le bolla es facite. Le equipa opponente non pote toccar le colpator, e illes non pote commencia a currer verso le bolla ante que le bolla es passate per le gambas del centro al quarterback. Ille prestemente pone le ballo al solo e lo tene in position pro le colpator a colpar lo. Si ille succede, on goniar 3 punctos. Durante le joco le duo equipas va linear se verso le un le altere. Illes ambe assume un position temporarimente immobile. Alora le centro del equipa in possession del bolla, passa lo per su gambas al quarterback. Ille pote currer con le bolla verso le goal del equipa opponente. Le altere equipa vole caper le per "tackle" o blocar le. (Le termino "bloca" in mi dictionario non pare apte, proque il ha un termino futbolese "to block" que es un action prendite per membros del equipa in possession del bolla. Quando le action commencia, certe membros del equipa essaya bloccar le accesso del membros del equipa opponente per star in lor via, per jectar lor corpores al pede o corpore del jocatores del equipa opponente qui vole caper le homine con le bolla. Si illes pote caper le homine con le bolla e arresta su movimento, le arbitro suffla su sibilo, e le joca se arresta. Le bolla es ponite alora a un linea que pass per le puncto de maximal progresso voluntari verso le goal. (Si le homine con le bolla es pulsate retro contra su voluntate, le puncto de progresso maximal es le puncto le plus avantiate que ille ha attingite ante le opponentes le pulsava. Altere que un homine currer con le bolla, le bolla pote esser movite per passar lo per le aere. Solmente certe membros del equipa con possession del bolla pote reciper le bolla. Istos es le duo jocatores al fines latereal del linea de jocatores, o le jocatores in le campo posterior. Le quarterback passa le bolla. Le altere equipa vole bloccar le reception del bolla o mesmo a reciper lo illes mesme, dante le possession del bolla a illes, a fin que illes pote essayar mover le bolla al goal del altere equipa.... Cata equipa ha 4 tornos in que illes essaya mover le bolla le distantia de 10 yards (circa 10 metros). Le campo es 100 yards longe (circa 97 metros). Si illes non pote avantiar le bolla plus que 10 yards del position al commencimento del serie de tornos, le possession del bolla es date al altere equipa. Si, illes succede in mover le bolla 10 o plus yards, illes recipe un nove serie de 4 tornos, etc.. Le joco de futbolla american es un joco de formationes, surprisa, preste execution. Le contacto inter le jocatores es forte. A vices jocatores es injuriate. Io non cognosceva quanto complexe le joco de futbolla american es ante essayar a explicar lo. Stan Mulaik