Sigmund, Io vole vos un rapide recuperation post vostre chirugia. Vostre poema es belle. Io sensa le mesme unitate con tote esser. Nos es solmente parve undas in le grande unda de possibilitate del theoria del quanto. Nostre existentia es un essential parte del continuitate de tote cosas. Nos veni a in existentia e passa del existentia, mais durante que nos existe, nos es essential, como es tote cosas. Nos pote sacrificar nos pro un futur melior pro alteres, sapiente que sin lo que nos face, il non esserea. E nos vive in alteres e in le continuitate del esser. Io es multo triste hodie, proque le can de mi filio Roberto ha morite se subitemente de circumstantias bizarre. Illa esseva un meraviliose can; intelligente; plen del vita e amor. Illa esseva un collie miniature, un racia de canes usate per pastores pro diriger le grege. Illa monstrava le mesme tendentias. Mi filio e su sposa ha un catto e un conilio, e le parve can persequeva los pro prevenir lor vader post le mobiles prohibite. Quando illes recipeva le parve can, illes la nomina "Blair", e illa se attachava emotionalmente a mi filio. Illa amava le joco de jectar le frisbee, que illa persequeva a alte velocitate pro caper le frisbee in su bucca in le aere ante que illo cadeva al solo. E quandocunque mi filio retornava al casa de su labor, illac stava Blair con su cauda agitante se, con le frisbee in su bucca. Mi filio recipeva multo placer de su devotion a ille. Le circumstantias bizarre es isto: Duo noctes retro, su sposa preparava un pullo, removante le pelle, que contine multo grassia, e le ossos. Istos illa poneva in le immunditias. Ordinarimente le receptaculo de immunditias es retenite in un cabinetto in le cocina. Mais iste nocte le ebenista habeva prendite su porta pro repinger lo. Le parve canetta habeva olefacite le pullo in le immunditias, e aquelle nocte, illa entrava le receptaculo de immunditias e devorava le pelle del pullo. Le alte concentration del grassia in le pelle del pullo habeva inducite le pancreatitis. Illa deveniva multo mal. Mi filio e su sposa prendeva la a su veterinaria, qui la examinava e faceva le diagnose. Le sposa de mi filio habeva laborate como un assistante sub iste veterinaria, e le bon doctor, illa ha date le sposa le fluido pro administrar intravenosemente. Mais le parve can non faceva un recuperation. Mi filio esseva devastate, e a 6 horas iste matino ille telephonava nos a dar nos le mal novas. Ille esseva con lacrimas. E io sapeva que isto es como le perdita de un filio. Ille e su sposa prendeva le can al veterinaria, que faceva un autopsia. Illa reportava que tote su organos esseva san, con le sol exception de su pancreas, que esseva destruite e hemorrhagic. Illa diceva que iste caso es multo rar. Mais quando nos visitava mi filio e su sposa, nos videva nostre nove granfilia, Mallory, qui ora face le surrisos, que es multo placente a nos granpatre e granmatre. E illa sta a solmente 5 menses. Illa esseva multo curiose con le pollice de mi sposa. Io habeva mi camera e faceva le picturas. Le vita continua.... Stan Mulaik