Car amicos, io es completemente de accordo con plure de vos que haber in nostre lista le innominabile senior poterea esser un grande problema. Io alsi ha esperientia in le passato que iste senior es un ver pestilentia. Le facto tamen que in iste lista se scribe solmente in Interlingua poterea esser pro nos un securitate. De facto in passato ille se refusava scriber in iste "horribile" interlingua e ille assereva de non comprender lo: probabilemente, pro un homine que sape plure linguas, nunc ille lo apprendeva finalmente. Naturalmente le magistro de nostre lista deberea vigilar multo attentemente. Le titulo de iste message se refere a un famose banda comic francese que representa le lucta del heroe Lucky Luke in le Far West contra plure fratres perverse que se appella "the Dalton's". Io non inventava isto, ma vamos trovar un valente nove Lucky Luke in nostre rangos... Nunc duo cosas: (1) Esque vos pote connecter vos a nostre sito de Interlingua? Io non lo pote plus facer ni cargar nove material. (2) Io acquireva un nove software que permitterea nos de parlar a vive voce per Internet e al mesme precio de nostre connection a Internet. Illo se appella WebTalk del firma Quarterdeck. Illo non costa multo e nunc io apprende a usar lo. Assi nos poterea *parlar* nos per crear un forum apud le Quarterdeck solmente in Interlingua. Io debe primo apprender e pois explorar iste possibilitate non difficile. Face me saper si vos ha altere software pro parlar per internet, e qui es preste a comprar un tal pro se... Multe car salutes. Paolo. -- Paolo Castellina, v.d.m. CH-7604 Borgonovo (Switzerland) Tel. ++41,81,8221145 E-Mail [log in to unmask] http://www.geocities.com/~pcastellina http://www.naz.com/personal/interlng http://www.aspide.it/freeweb/RIFORMA