Ante quatro dies esseva publicate un gratuite curso complete de interlingua in portugese. Ora veni le version in francese, "Cours élémentaire d'interlingua", in 15 lectiones. Le curso ha essite preparate pro francophonos e omnes, qui comprende francese, per Martin Lavallée e Pierre Morin de Canada e ha justo essite publicate in www.interlingua.com. Le materiales es in le formato PDF con audio in MP3. Le curso ora existe in octo linguas: danese, norvegiano, anglese, germano, italiano, espaniol, portugese e francese. Vos pote trovar los omnes - e plus de materiales - in www.interlingua.com/instruction-national. Le ligamine directe al curso francese es www.interlingua.com/fr/curso. E memora que il ha ancora multe materiales gratuite pro le studio o inseniamento de interlingua in www.interlingua.com/instruction e tote le Bibliotheca electronic in interlingua in www.interlingua.com/e-libros. Vos es multo benvenite a diffunder le bon nova in correspondentia, per Facebook, per Twitter etc., gratias. Bon placer con le studio! Con mi optime salutes Thomas Breinstrup -- Pro leger le archivos e pro modificar o cancellar le subscription: http://listserv.icors.org/archives/interlng.html