Car lectores de INTERLNG! De jovedi le prime emission de Radio Interlingua pro le nove anno 2011 es attingibile in le rete. Ecce le contento: Primo Sven Frank, presidente del Union Mundial pro Interlingua saluta vosdel proposito del nove anno. Le tempore e le loco del conferentia international de interlingua iste annoes ja fixe. Super isto narra a vos plus detaliatemente le active interlinguista danese: Thomas Breinstrup, redactor del revista Panorama in Interlingua. Postea seque un parve obra litterari, que io traduceva del lingua hungare a interlingua super le familia Tante. Iste obretta humoristic originalmente usa quasi exclusivemente parolas de origine latin (o greco-latin...?) in le hungaro pro crear le nomines personal humoristic; assi il non era troppo difficile pro me traducer lo in interlingua... Vos pote tamben leger le texto in mi blog personal, sequente iste ligamine: http://zalaegerszeg.blogspot.com/2011/01/le-familia-tante.html Vos pote leger plus de commentarios detaliante super le coincidentias grammatic del duo linguas, usate in iste caso anque al fin de ille postage. Finalmente sequera le salutation de Carlos Soreto, le secretario general de UMI al occasion del 60me anniversario de interlingua iste anno. Vos pote ascoltar le podcast cliccante directemente, o discargar lo sur le ligamine: http://www.interlingua.com/node/780 . Previe emissiones vos pote seliger del pagina http://www.interlingua.com/radio . Io, Péter Kovács, le redactor de Radio Interlingua spera, que anque iste emission va esser utile e interessante pro vos. Commentos es sempre benvenite! PK -- Pro leger le archivos e pro modificar o cancellar le subscription: http://listserv.icors.org/archives/interlng.html