Le 3 de octobre 2005 le interlinguistas de tote le mundo se junge in un serie de Hurrahs tonitrante, sincer e cordial pro Thomas, le redactor de nostre Panorama, le infatigabile animator de nostre conferentias e incontros e in facto de tote le movimento! Al etate de 16 ille apprendeva Interlingua e comenciava editar su proprie Heraldo de Interlingua,. Duo annos plus tarde, in 1983, ille visitava su prime Conferentia International in Sheffield. Inspirate per le atmosphera optimistic e amical del septimana ibi ille deveniva le garantiante pro le regularitate del conferentias de UMI e jam ¨duo annos plus tarde ille e su familia realisava le conferentia sequente in su urbe natal, Copenhagen-Taastrup.. in 1988 ille deveniva le prime redactor de Panorama, un fusion de su Heraldo e de Currero e nos habeva finalmente un magazin moderne e professional. Accepta, car Thomas, le felicitationes de omne vostre amicos in le Societate Svedese pro Interlingua e de tu co-consilieros in UMI ! Post alcun decennios tu essera un homine "matur" e ancora plus "sage", ma - guarda pro sempre tu juvene spirito de optimismo e de enthusiasmo enthusiasmante! Nos te besonia! Amicalmente, Ingvar Ingvar Stenström Vegagatan 12 SE-432 36 VARBERG Svedia ingvar.stenstrm at telia.com Tel. +46-(0)340.15053 http://www.interlingua.com http://www.interlingua.nu ' ) =====================================================Pro disabonar te del lista, invia un message a [log in to unmask] con le texto: UNSUBSCRIBE INTERLNG o visita le sito del lista: http://maelstrom.stjohns.edu/archives/interlng.html =====================================================Visita le sito official del Union Mundial pro Interlingua: http://www.interlingua.com/ =====================================================