Io credeva que le ration que Francia prendeva iste action es proque illo ha le plus grande proportion de moslemes in su population in Europa e ha grande timor de lor potential poter e de haber guerra civil. Le media american nos diceva del quantitate de moslemes in Francias durante le menses ante nostre guerra in Iraq pro dicer nos proque Francia appoiava Hussein. (Ver o non, io non sape) Essente de un minoritate religiose, io pote comprender iste action del governamento de Francia. Nos vide in America que le separation de eclesia e stato es un cosa difficile a mantener. Il ha plure contatos in Kentucky cuje officiales essayava placiar le Dece Commandamentos in lor edificios governamental o in le scholas. Il ha sempre un disputa inter illes qui vole vider materiales religiose in public e illes qui non lo vole in le SU. A me, es un cosa bon que le constitution dice firmemente que ille nation es un nation secular. Il ha nulle spacio pro jocar con argumentos que le fundatores del nation voleva que on ha le derecto de monstrar su religion publicamente. Io non sape quanto ben le nove legislation functionara in realitate, ma io lo appoia. _________________________________________________________________ Optimize your Internet experience to the max with the new MSN Premium Internet Software. http://click.atdmt.com/AVE/go/onm00200359ave/direct/01/