On Fri, Sep 12, 2003 at 02:25:31PM -0700, [log in to unmask] wrote: > E unes dischettos costante inter $17,00 e $18,00 > esseva registrationes facite in forma analogic ante > 20 annos. Assi, le consumitor paga precios altissime > pro comprar dischettos digital que offere solmente > le qualitate de son analogic. Isto es ridicule! Etiam in Italia on trova CDs a precios altissime: io crede que pagar 20€ pro un CD, etiam si nove, es un injustitia. Le companias que produce musica e films se preoccupa tanto de persequer le traffico de musica in le internet, sin realisar que lor mercato nunquam potera continuar, a ille precios. In vice de promover lor productos con un abassamento del precios e un melioramento del qualitate, illes produce CDs defectose, pro proteger los del copia abusive. An isto es amor pro le consumator? Io invita omnes a non comprar CDs musical que costa plus que 10€ (e 10€ non es poco!). -- Saluti, Mardy http://interlingua.altervista.org