Quando le reformistas de orthographia in le varie linguas faceva lor reformas illes esseva preoccupate con le necessitate de facer cata phonema sia representate per un sol littera, pro facilitar le apprension per infantes de leger. Mais lo que illes ha ignorate es le facto que in le caso del parola scripte il es possibile a distinguer parolas de differente sensos que ha le mesme pronunciation. Assi in facilitar le apprension de orthographia illes ha in certe casos facite plus difficile le discrimination de distinctiones in senso inter parolas in lectura. Considera le sequente casos: Orthographia 'classic' orthographia alternative phylo filo filo filo philosopho filosopho (Esque le philosopho es preoccupate con filos?) In le analyse del senso de vocabulos per lor affixos, es le filogenia un amor del genia? Es "filoclade" super un stirpe de un planta que es como un filo electric? In orthographia classic isto es phylloclade, con phyllo- = folio de un planta, del grec phyllon. Es un filofage un entitate que mangia le filos elecric, o le filosofos? Es filomania un disordine de technicos electronic? O un extreme inclination al amor? Es filologia un studio del amor o del classification de plantas in botania secundo lor folios - o le amor de parolas. In le orthographia classic il es possibile a distinguer inter al minus 4 sensos que es representate per le mesme litteras in le alternative orthographia: filo, philo, phylo-, phyllo-. Il ha multe altere parolas in philo, phylo-, phyllo-. Le grec ph, rh, -y-, ps- non es difficile a apprender in le pronunciation. E le orthographia de parolas grec non es difficile a apprender. Il non es alque similar al irregularitates del orthographia in anglese. Il es melior pro le lectura que on retene le classic orthographia, e le lectura es hodie extrememente importante. Stan Mulaik