Si tu pote vider CNN, tu va apprender que le Statos Unite esseva attaccate per terroristas a duo sitos: le Centro Mundial de Mercantia in Nove York--ambe turres ha collapse como le resultato de focos e destruction resultante de duo aeroplanos commercial que ha essite volate a in iste turres per actiones de terroristas. Iste turres habeva 110 nivellos, e ambe ha cadite incredibilemente, justo como edificios destruite con explosiones planate cade. Io es certe que le mortalitate essera circa 35.000 o plus. Le secunde sito esseva le Pentagon in Washington, a in que ha volate un altere aeroplano commercial dirigite per terroristas. Al hora actual il pare que le destruction es solmente a un sol section al west latere del edificio, e le pumperos pare succeder in restringer su extension a altere partes, mais solmente tempore va dicer le resultato final. Un quarte aeroplano, un 747, ha cadite in Pennsylvania, e on dice que illo equalmente pare haber essite dirigite verso Camp David, un refugio de Washington pro le Presidente del SUA. Le Presidente esseva in Florida durante isto e ha volate a Louisiana a un base pro le fortias aeree. Io pensa que le governamento non es certe a iste tempore del extension de iste attaccos. Le bureaus in Washington e Nove York ha essite claudite. Mesmo aqui in Atlanta, le universitates (mie), varie centros pro shopping, e le scholas ha essite claudite. Io debe dicer que isto va producer major cambios in le maniera in que nos tracta le terroristas e paises que da les le asylo. Isto es le guerra, e nos americanos va proteger nos. Stan Mulaik