Amicos! Le tempore ha venite quando nos in le Statos Unite debe formar un societate pro interlingua. Le Instituto pro Interlingua ha dissoluite se. Io ha discutite isto con plure gentes, e le recommendation io ha recipite, es "Forma un societate informal, alora quando iste societate cresce, considera un societate formal registrate al Servicio de Internal Receptas como un societate educational sin impostos. Il ha tres importante cosas que iste societate pote facer in servir nos: 1) Reciper le debitos a UMI e le abonamentos a Panorama. 2) Editionar un littera circular de novas. 3) Organizar reuniones del membros. Nos pote facer plus que isto, mais isto es un comenciamento. Nos debe provider un solution al problema del vendita de libros in le USA. E nos debe considerar vias al publicitate de interlingua in le SUA. Assi, qui vole esser membros fundante, e como pote nos organizar nos? Mi recommendation es que initialmente nos necessita solemente un presidente, un presidente electe, un secretario-tresorero, e un redactor. Nos equalmente necessita un consilio de circa tres o cinque personas. Como in discussiones previe, nos pote includer membros de Canada e Mexico. Io ora ha un lista de vetere membros de UMI in le Statos Unite. Mais il ha additional, nove adherentes a interlingua, e io vole includer les in formar le societate. Io ora pensa que pro un societate american il es melior a usar le titulo de "Societate" que "Union". Isto va parer le proprie titulo pro un societate educational quando nos cerca pro le recognition de un societate educational per le Servicio de Receptas Internal. Stan Mulaik