Le activitates human son le causa principal.

 Le secretario general del ONU Kofi Annan in occason del jornata mundial contra le desertification e le siccitate, ha exponite brevemente le analyse del problema del manco de aqua e del transformation del ecosystemas in varie partes del mundo.

Nonobstante le ingagiamento prendite septe annos antea, le mutationes climatic e le absentia de voluntate politic ha contribuite determinar un situation complexivemente dramatic, que reguarda un billion de personas in 110 paises.

In Africa ha essite perdite le 50 pro cento del terreno cultivabile e millenas de personas ha debite abandonar le fermas nunc jam non plus functionante. In China le valutationes del expertos explica un desertification al rhythmos alarmante. Tote le nord-west del pais poterea tosto transformar se in un extension de sablo. Per arrestar le processo il necessitarea le displaciamento de milliones de personas e de testas de bestial, quasi impossibile in un pais incombrate per 1,3 billiones de homines.

In plure zonas de Corea, de Japon e de Statos Unite se ha abbattite tempestas de sablo, que in le zona de Denver ha arrivate obscurar le sol. Europa, in fin, suffre del problema del incendios que ha devastate milliones de hectares de silvas.