Car Amicos,
Heri pro un error io ha iviate
vos un email non complete. Pardona me! Assi io vole prosequer in mi analyse
personal re Interlingua. Io non es un linguista, absolutemente! ma un homine
cuje place studiar e comprender le linguas.
Securmente le populos neolatin
ha plus de possibilitate a comprender Interlingua, e probabilemente le
italianos plus de toto! Io ha facte leger alicun textos in interlingua a mi
fratre e mi patre; ambes ha dicte le mesme cosa: E que es isto? Il nos
sembla un italiano ancian, qui era parlate durante le prime seculos del medievo!
Pro me ha essite un grande amor
a prime vista! Tosto io comprendeva circa le 95% del textos! Le restante 5% con
poc studio. Totevia le similitudines inter le duo linguas pote facer me
errar in alicun constructiones grammatical e de syntaxe differente ab le
italiano.
Mario Malaguti ha comparate
Interlingua como un Italiano international. Isto pote esser un bon comparation,
sed como io pensa que vos sape, que le italiano ha un corde, un
anima florentin culte e litterari; Interlingua non lo ha.
Le semplificationes gammatical
super toto illos verbales, le regularitate que le linguas neolatin non possede,
al contrario, le italiano es vermente complexe, il conduce Interlingua plus
proxime al anglese. Interlingua pote apparer como un variante possibile del
latin qui evolve in un mundo parallel, e qui appare in le mundo
moderne e actual. Plus que un "italianitate" io trova un "europeitate" de
Interlingua. Un lingua moderne, con parolas actual, ben facte, con un
terminologia technic e scientific convenibile.
Io vide que Interlingua es multe
plus disveloppate in le nationes nordic de Europa que in illos neolatin. Io
pensa al amicos finnese, un lingua de un branca linguistic completemente diverse
ab Interlingua, qual difficultates illes pote trovar nel comprension del parolas
cuje io non ha! Ah le finnese! Illo joca un rolo importante in mi
discoperta de Interlingua, sed isto es un altere historia...
Io es meraviliate que in Europa
e in tote le mundo il ha multe personas qui ama le mundo latin, su classicitate,
su cultura e que appare in vos, con le studio e le developpamento de
Interlingua!
In le proxime septimanas a causa
de mi labor io non habera multe tempore de scriber vos, sed io cercara
comocunque de sequer vos in vostre interessante discussiones re e in
Iterlingua!
Italianmente, europeemente, interlinguamente
vostre!
Luca Ghitti
P.s. un parve nova sportive:
hodie comencia le torneo de rugby del Sex Nationes. Vai Italia, fatti
onore! / Va Italia, face te honor!