Horacio wrote: > (...) > De plus Granma diceva que le cancellero argentin, > Adalberto Rodriguez Giavarini, "viagiava a Washington pro > implorar adjuta al governamento statounitense ille portante > como moneta de cambio le voto contra Cuba in Ginebra". > (...) Forsan on deberea scriber Génève o un poco plus interlinguisate _Geneva_. Il sembla que Cuba es ora ubi le paises in Europa politicamente oriental era in le fin del 80's. In paises ubi on habeva forte partitos del leve (sinistra) on dava un significante disconta (?) a Cuba e le partito de Castro. Ante 30 annos Cuba era un interessante pais. Circum le anno 1970 ego multo admirava Cuba. On habeva le impression que le pais habeva solvite multe problemas pro le paises latinoamerican e primo il era difficile prender totalmente serio le notas del violation del derectos human. Un bon adjuta era, non-obstante leger le publicationes cuban. Ego legeva Gramma, pro exemplo e il era quasi visibile como le publication se deveniva plus e plus un fossile. Il es in facto un signo de multo poco de imagination que le Statos Unite non poteva facer alque altere que justo boycottar le pais. Le paises Europee (i.a. Svedia) e Canada ha - a mi aviso - tote le tempore mantenite relationes con Cuba. Il es naturalmente solo per le relationes e le discussion que on pote, lente- ma effectivemente - attinger cambios in le systema politic. Cellus