Quarte e anteultime parte de mi notas de viage... In le tertie die de travalio in Tierra del Fuego io vadeva foras del sector circa del planta petrochimic. Io vadeva a duo kilometros de ibi, in un loco ubi il ha un construction isolate. Iste construction es un taller ubi se monta e solda le conductos de gas que depost essera interrate in le terreno. In iste loco anque il ha un bureau, ubi io era facente un scripto in le computer. Grande era mi surprisa quando io occupate in mi tareas, trans le fenestra io videva a un vulpe que camminava al extero del edificio. Tunc io demandava a altero que habeva con me: que il face iste vulpe hic? Ille me contava que il ha varie vulpes in le zona e que illos veni ibi pro reciper alco de lo que le obreros a vices le da; como massas -nos dice 'facturas'- e alcun resto de repasto. E illes es mansuete? -io demandava.- Si, -le homine me respondeva- ma tu non pote toccar lo. Proque? Ille poterea morder me? No, solmente que ille non se lassara toccar... Tunc io vadeva foras e intentava aprochar me al animal, ma illo al mesme vice, retrocedeva super se. Io era a tres metros de ille ma io non attingeva a approchar me plus. Io iva intro le bureau e prendeva un 'factura'. Con le massa in mi mano le animal pareva plus interessate. Io me approximava lentemente e anque delicatemente io me quatava pro non espaventar al vulpe. Tunc in un scena que ora io pensa simile al del film de Kevin Costner "Dansa con lupos", io attingeva, depost de varie intentos, que le animal prendeva de mi mano le massa. Rapidemente le vulpe vadeva con su premio mirante de latere. Iste vulpes pare simile al que io jam habeva vidite in le pampa, ma istos es bastante plus parve que aquelle. Io pensa que illos debe esser un sub-specie adaptate al conditiones tanto difficile del sud. A iste clase de vulpe nos lo apella: "zorro plateado" (vulpe argentee) debite al color gris clar del dorso del animal. Iste vulpe es multo disticte del "zorro colorado" (vulpe rubie) de multo major longitude e obviemente de color rubie a rosate. Lamentabilemente iste specie es quasi extincte e io nunquam videva un exemplar in stato salvage. Al die sequente io videva altere vulpes e anque illos era micre. Io anque videva le rattos de campo que il debe esser su principal alimento. Iste animales es simile al hamster ma con cauda. Iste ratto ha le corpore rotunde de un longitude non plus de septe centimetros. Obviemente rattos micre produce vulpes micre. Horacio