Re Jovon Johnson: le mie era e es solmente le solicitation a scriber de plus in Interlingua, como io heri vespera diceva anque de parlar lo. Tu Jay quando me parlara in Interlingua? Un lingua ha necessitate de exercitio e le scriber es un cosa que da nos tempore e reflexion, in general. Ma le parlar es vermente un altere aspecto del practicar Interlingua. Tu non ha tempore, alteremente tu face troppo longe pausas. Iste exercitio es vermente a un nivello superior in comparation al sol scriber Interlingua. In plus tu debe anque comprender tu interlocutor e, anque in iste caso tu debe esser multo celere. Ma isto non suffice, perque le conversar deveni anque un placer de utilisar le instrumentos de hodie con le regulas del politessa e isto sub multe aspectos, re le thema del conversation, del personalitate, del securitate con le lingua de tu interlocutor, como re le tono. Isto me conduce al secunde parte de tu message. Re le bandiera: Nos qui scribe messages in interlingua propone un thema e postea nos attende si le thema habera un suite per le contributores del lista. A vices isto succede, sempre e comocunque como resultato de un solitari reflexion re le thema. In relation al texto de interlingua nos deberea facer exercitio de comprension de un exposition. Multe vices nos scribe un nostre prime impression e isto non sempre significa restar in le thema del message originari. Quando es que nos curre facilemente le risco de vader for thema? Quando nos considera le proposition bandiera, per exemplo, e nos emphatisa (it. enfatizzare, en. to emphasize, ia. emphatic)le aspecto del significatos de symbolo, o ancora plus, nos tracta le pejor exterioritates o consequentias de un exasperation extreme. A iste punto le bandiera deveni uno del objectos usate pro conducer le vulgo, in italiano on usa le expression 'popolo bue', populo bove, justo pro exprimer le comportamento de un (mandria) grege que non es certemente le expression de un comportamento de un individuo consciente e autonome. Ben! Le proposition initial e originari era solmente illo de proponer un symbolo de characterisation, non absolutemente pro promover conclusiones del typo del 'popolo bue'. Ubi es alora que surge un problema? Forsan in le facto de haber ponite in evidentia un aspecto detestabile de un thema. Totevia il non existe un qualcunque thema que non pote esser examinate de un situation extreme a un altere, opposite e equalmente extreme. Ma pote nos emplear un gymnasio pro practicar Interlingua pro exprimer nostre ideas le plus extreme o personal? Il serea como scriber: Jay io es catholico, de consequentia io es le melior! Isto pro te, ma anque pro me, il serea simplemente un blasphemia. Comprende tu Jay iste modo contorte de rationar que io ha? Quando uno ha passate un belle vespera con le amicos, ille proba le mesme sensation de esser in pace con le mundo. Ciao, Mario Malaguti >From: Jay Bowks <[log in to unmask]> >Date: Sat, 3 Feb 2001 12:21:32 -0500 > >From: Mario Malaguti <[log in to unmask]> [...] > > Forsan nos da troppo importantia al exterioritate, al uso o al >significato > > de un parola, quando, al contrario, nos deberea solmente practicar > > Interlingua. > > Face lo anque tu Jovon Johnson! > > Ciao, > > Mario Malaguti > >Car Mario, >Jay V. de facto practica le belle >lingua. (omissis) >Esque tu, Mario, non accorda? > >Claro que si, Mario, io te >cognosce como persona que >pensa e que comprende. > >Amicalmente, >Jay B. _________________________________________________________________________ Get Your Private, Free E-mail from MSN Hotmail at http://www.hotmail.com.