Le motivos e le initio del viage. Quando le 10 de enero passate le impressa me offereva viagiar al sud de mi pais pro realizar un studio geologic, io non tardava in acceptar le proposition. Viste que io travalia in le laboratorio e remane quasi tote le tempore in le bureau iste era un opportunitate que io non lassarea passar. Normalmente, le tarea de extraction de monstras (exemplos) de solo (terra) on realiza un equipo de personas que viagia pro tote le pais a ubi se sollicita lor servitios e iste personas invia me le material de essayo. Pro le characteristicas de iste studio in particular non il era necessari mover tote iste equipo porque le travalio on facerea de forma manual e tote le materiales de essayo se pote transportar in un bursa de parve longessa. Le longe distantia al sito del essayos -quasi 3000 kilometros- faceva difficile le movimento del equipos mechanic de perforation, porque illo deberea esser transportate por terra e isto demandarea quasi tres dies de viage!!! De maniera que tosto io apprestava le bagages e anque le equipo manual que io portarea pro le elaboration del essayos in le terreno. Le sito del tareas il serea circa del citate de Rio Grande in le insula de Tierra del Fuego in le sud del Patagonia argentin. Le viage in avion demorarea tres horas desde le 'Aeroparque' del citate de Buenos Aires. Nostre capital es le nodo de los volos interne, viste que le in le senso nord-sud illo es approximatemente in le centro del pais. Ma anque on pote dicer que isto es un question politic viste que como nos, le argentinos, a vices dice: "Deo es in tote partes, ma ha su bureau in Buenos Aires..." Continuara... Horacio Martinez